卫生部国务秘书视察白马省医院，对医院的卫生环境

ការចុះពិនិត្យវឌ្ឍនភាព** **និងពង្រឹងគុណភាពសេវាសុខាភិបាល** **នៅមន្ទីរពេទ្យបង្អែកខេត្តកែប។ — ខេត្តកែប៖ ថ្ងៃអង្គារ ទី៦ ខែតុលា ឆ្នាំ២០២៦ ឯកឧត្តមសាស្ត្រាចារ្យ** **ថុង** **សុខហ៊ាន រដ្ឋលេខាធិការក្រសួងសុខាភិបាល បានអញ្ជើញចុះពិនិត្យវឌ្ឍនភាពការងារ ព្រមទាំងស្វែងយល់អំពីបញ្ហាប្រឈមផ្សេងៗ នៅមន្ទីរពេទ្យបង្អែកខេត្តកែប។ ក្នុងឱកាសនោះ ឯកឧត្តមសាស្ត្រាចារ្យរដ្ឋលេខាធិការ បានសម្តែងនូវការកោតសរសើរ និងវាយតម្លៃខ្ពស់ចំពោះថ្នាក់ដឹកនាំ និងមន្ត្រី បុគ្គលិកសុខាភិបាលទាំងអស់ ដែលបានខិតខំប្រឹងប្រែងរៀបចំសោភ័ណភាពទីធ្លា អនាម័យ ហេដ្ឋារចនាសម្ព័ន្ធ សណ្តាប់ធ្នាប់ ឯកសណ្ឋានបុគ្គលិក និងការផ្តល់សេវាពិនិត្យ ថែទាំ ព្យាបាលជំងឺជូនប្រជាពលរដ្ឋបានល្អប្រសើរ។ ដើម្បីបង្កើនប្រសិទ្ធភាពការងារបន្ថែមទៀត ឯកឧត្តមសាស្ត្រាចារ្យ បានផ្តល់អនុសាសន៍ណែនាំសំខាន់ៗមួយចំនួន រួមមាន៖ -ពង្រឹងគុណភាព** **និងសមត្ថភាពសេវា៖ ការប្រជុំបច្ចេកទេសពេលព្រឹក គ្រូពេទ្យប្រចាំការ ២៤ ម៉ោង/២៤ ម៉ោង ផ្តោតលើផ្នែកទទួលជម្ងឺក្រៅ សង្គ្រោះបន្ទាន់ ផ្នែកវះកាត់ និងផ្នែកអមវេជ្ជសាស្ត្រ។ -គ្រប់គ្រងរដ្ឋបាល** **និងឯកសារ៖ រៀបចំប្រព័ន្ធឯកសារអ្នកជំងឺ និងឯកសាររដ្ឋបាលមន្ទីរពេទ្យ ឲ្យមានរបៀបរៀបរយ និងសុក្រឹតភាព។ -គ្រប់គ្រងហិរញ្ញវត្ថុ៖ ប្រើប្រាស់ថវិកាអភិវឌ្ឍន៍មន្ទីរពេទ្យឲ្យមានតម្លាភាព គណនេយ្យភាព និងប្រសិទ្ធភាពខ្ពស់។ ជាចុងក្រោយ ឯកឧត្តមសាស្ត្រាចារ្យ បានពាំនាំនូវប្រសាសន៍ផ្តាំផ្ញើសួរសុខទុក្ខ និងការថ្លែងអំណរគុណយ៉ាងជ្រាលជ្រៅ ពីឯកឧត្តមសាស្ត្រាចារ្យរដ្ឋមន្ត្រី ជូនចំពោះមន្ត្រី បុគ្គលិកសុខាភិបាលទាំងអស់ និងបានលើកទឹកចិត្ត ឲ្យបន្តខិតខំប្រឹងប្រែងបំពេញភារកិច្ច ដោយឈរលើទិសដៅយុទ្ធសាស្ត្រអាទិភាព ក្នុងវិស័យសុខាភិបាល នៃកម្មវិធីនយោបាយរបស់រាជរដ្ឋាភិបាល នីតិកាលទី៧។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)