南非成功获得金砖国家银行10亿美元贷款

ការចុះពិនិត្យស្វែងយល់បន្ថែមលើការបម្រើសេវាសុខាភិបាល នៅមន្ទីរពេទ្យបង្អែក ក្នុងខេត្តកំពង់ចាម។ —— ខេត្តកំពង់ចាម៖ ចាប់ពីថ្ងៃទី០៨ ដល់ថ្ងៃទី១១ ខែកញ្ញា ឆ្នាំ២០២៦ ឯកឧត្តមវេជ្ជបណ្ឌិត ស៊ិក ប៊ុណ្ណា ឯកឧត្ដម ឱសថការី ឈី ហុង រដ្ឋលេខាធិការ និងឯកឧត្តម ខូយ ឌី អនុរដ្ឋលេខាធិការក្រសួងសុខាភិបាលបានចុះពិនិត្យស្វែងយល់បន្ថែមលើការបម្រើសេវាសុខាភិបាល នៅមន្ទីរពេទ្យបង្អែកបាធាយ មន្ទីរពេទ្យបង្អែកស្រីសន្ធរ មន្ទីរពេទ្យបង្អែកជើងព្រៃ មន្ទីរពេទ្យបង្អែកចំការលើ មន្ទីរពេទ្យបង្អែកស្ទឹងត្រង់ មន្ទីរពេទ្យបង្អែកកោះសូទីន មន្ទីរពេទ្យបង្អែកព្រៃឈរ និងមន្ទីរពេទ្យបង្អែកកងមាស ក្នុងខេត្តកំពង់ចាម។ គោលបំណងនៃការចុះពិនិត្យនេះគឺ ដើម្បីពិនិត្យផ្ទៀងផ្ទាត់វឌ្ឍនភាព និងព្រមទាំងបញ្ហាប្រឈមថ្មីៗដែលកើតមាន។ ក្រុមការងារបានជួបជាមួយថ្នាក់ដឹកនាំមន្ទីរសុខាភិបាល ការិយាល័យស្រុកប្រតិបត្តិ ថ្នាក់ដឹកនាំ មន្រ្តី បុគ្គលិក មន្ទីរពេទ្យបង្អែកទាំងអស់ក្នុងមូលដ្ឋានសុខាភិបាលនីមួយៗ  ដើម្បីផ្តល់ព័ត៌មានត្រឡប់ និងពិភាក្សា លើវឌ្ឍនភាព បញ្ហាប្រឈម ដំណោះស្រាយ និងសំណូមពរ ក៏ដូចជាការប្តេជ្ញាចិត្តក្នុងការបន្តលើកកម្ពស់ គុណភាពសេវាមន្ទីរពេទ្យបង្អែក ឱ្យកាន់តែប្រសើរ ដើម្បីបម្រើសេវាសុខាភិបាលជូនប្រជាពលរដ្ឋ។ ក្រុមការងារក៏បានពាំនាំយកនូវសេចក្តីនឹករលឹក និងការសួរសុខទុក្ខពីឯកឧត្តមសាស្ត្រាចារ្យរដ្ឋមន្ត្រី ជូនថ្នាក់ដឹកនាំ មន្ត្រីរាជការចំណុះមន្ទីរសុខាភិបាលនៃរដ្ឋបាលខេត្តកំពង់ចាម។ សូមបញ្ជាក់ផងដែរថា នេះគឺជាជុំទី៣ ដែលក្រុមការងារបានចុះពិនិត្យជួយពង្រឹងសេវាសុខាភិបាលនៅមន្ទីរពេទ្យបង្អែកស្រុកទាំង ៨ ខាងលើ ។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)