卫生部部长秦拉主持第127期领导力与创新培训

រដ្ឋមន្រ្តីសុខាភិបាល៖ «ការគិតបានគ្រប់ជ្រុងជ្រោយ និងភាពបត់បែន ជាសមត្ថភាពរបស់អ្នកដឹកនាំ សម្រាប់ដឹកនាំការងារក្នុងបរិបទដែលជួបភាពមិនប្រាកដប្រជា» — ថ្ងៃអង្គារ ១៣រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១១ ខែសីហា ឆ្នាំ២០២៦ ចាប់ពីម៉ោង ២:០០នាទីរសៀល ឯកឧត្តមសាស្ត្រាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានដឹកនាំវគ្គភាពអ្នកដឹកនាំ និងនវានុវត្តន៍លើកទី១២៧ ដែលមានមន្រ្តីសុខាភិបាលគ្រប់ឋានានុក្រម ក្រោមឱវាទក្រសួងសុខាភិបាលចូលរួមតាមប្រព័ន្ធវីដេអូ សន្និសីទ(Zoom) សរុបចំនួន ២៧៥៧នាក់។ ជាកិច្ចចាប់ផ្តើម ឯកឧត្តមសាស្រ្តាចារ្យរដ្ឋមន្រ្តី បានជូននូវទស្សនាទាន និងបទពិសោធន៍ នៅក្នុងការអនុវត្តន៍ការងារ (Best practices) នៃភាពជាអ្នកដឹកនាំក្នុងការដឹកនាំការងារនៅក្នុងស្ថានភាព ដែលមិនប្រាកដប្រជា (uncertainty) ដែលក្នុងនោះអ្នកដឹកនាំត្រូវមានភាពព្យាយាមនៅក្នុងការគិតឱ្យបានស៊ីជម្រៅ និងគ្រប់ជ្រុងជ្រោយ មានភាពបត់បែន និងប្រកាន់យកតុល្យភាពនៅក្នុងការសម្រេចចិត្តរបស់ខ្លួន។ ជាមួយគ្នានេះ មណ្ឌលសុខភាពបាសាក់ ដែលស្ថិតនៅក្នុងការិយាល័យសុខាភិបាលស្រុកប្រតិបត្តិស្វាយរៀង មន្ទីរសុខាភិបាលនៃរដ្ឋបាលខេត្តស្វាយរៀង ក៏បានចែករំលែកនូវវឌ្ឍនភាពរបស់មណ្ឌលសុខភាព ក្នុងការបម្រើសេវាសុខាភិបាល និងបានក្លាយជាមណ្ឌលសុខភាពគំរូ នៅឆ្នាំ២០២៥ ដែលជាលទ្ធផលនៃការប្រើប្រាស់នូវភាពជាអ្នកដឹកនាំ ក្នុងការរៀបចំផែនការ យន្តការ ការចាត់ចែងការទទួលខុសត្រូវរបស់បុគ្គលិក និងអនុវត្តដោយមានការពិនិត្យ តាមដាន និងវាយតម្លៃគុណភាពការងារជាប្រចាំ។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)