柬埔寨司法部获赠刑事司法与引渡培训教材

ឯកឧត្តមបណ្ឌិត ឃ្លោក ដារ៉ា ប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានកិច្ចការអន្តរជាតិ និងអភិវឌ្ឍន៍វិស័យយុត្តិធម៌ បានចូលរួមពិធីប្រគល់-ទទួលសៀវភៅមេរៀនបណ្តុះបណ្តាល ស្តីពី “ការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌ និងការធ្វើបត្យាប័ន” ==================== នៅថ្ងៃអង្គារ ៩កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៣ ខែមិថុនា ឆ្នាំ២០២៦, បណ្ឌិត្យសភាភូមិន្ទយុត្តិធម៌កម្ពុជា ឯកឧត្តមបណ្ឌិត ឃ្លោក ដារ៉ា ប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានកិច្ចការអន្តរជាតិ និងអភិវឌ្ឍន៍វិស័យយុត្តិធម៌ និងសហការី បានចូលរួមពិធីប្រគល់-ទទួលសៀវភៅមេរៀនបណ្តុះបណ្តាល ស្តីពី “ការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌ និងការធ្វើបត្យាប័ន” ក្រោមអធិបតីភាព ឯកឧត្តមបណ្ឌិតរដ្ឋ ឈន ប្រលឹង ប្រធានរាជបណ្ឌិត្យសភាភូមិន្ទយុត្តិធម៌កម្ពុជា ដែលជាអំណោយរបស់ការិយាល័យអង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្មប្រចាំតំបន់អាស៊ីអាគ្នេយ៍ និងប៉ាស៊ីហ្វិក (UNODC-ROSEAP) សម្រាប់ប្រើប្រាស់ជាឯកសារបណ្តុះបណ្តាល ដល់ចៅក្រម ព្រះរាជអាជ្ញា និងមន្ត្រីអនុវត្តច្បាប់ពាក់ព័ន្ធ សម្រាប់កម្មវិធីបណ្តុះបណ្តាលដំបូង និងបណ្តុះបណ្តាលបន្ដ ដើម្បីលើកកម្ពស់សមត្ថភាពឱ្យកាន់តែល្អប្រសើរ ជាពិសេសការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌ និងការធ្វើបត្យាប័ន។ ជាមួយគ្នានេះ ឯកឧត្តម ឃ្លោក ដារ៉ា ប្រតិភូរាជរដ្ឋាភិបាល និងជាអគ្គនាយកនៃអគ្គនាយកដ្ឋានកិច្ចការអន្តរជាតិ និងអភិវឌ្ឍន៍វិស័យយុត្តិធម៌ ក៏បានទទួលជួបតំណាងការិយាល័យអង្គការសហប្រជាជាតិទទួលបន្ទុកគ្រឿងញៀនប្រចាំព្រះរាជាណាចក្រកម្ពុជា ដើម្បីពិភាក្សាអំពីវឌ្ឍនភាព និងទិសដៅការងារបន្តសម្រាប់ឆ្នាំ២០២៦-២០២៧ នៃកិច្ចសហប្រតិបត្តិការក្របខណ្ឌកិច្ចការងារអាជ្ញាធរកណ្តាល។