西港斯登豪县工业垃圾违规倾倒 环境部勒令停工整改

ក្រសួងបរិស្ថានចាត់វិធានការឱ្យឈប់មានការចាក់សំរាមនៅទីលានទុកដាក់សំរាម១នៅស្រុកស្ទឹងហាវ ខេត្តព្រះ​សីហនុ បន្ទាប់ពីមានសំណល់រាវ ហូរចេញ-ចូលតំបន់​អូរធម្មជាតិ ============ កាលពីថ្ងៃទី៥ ខែកក្កដា ឆ្នាំ២០២៦ ក្រុមការងារអធិការ​កិច្ចនៃក្រសួងបរិស្ថាន ដោយមានការចូលរួមពីមន្ទីរ​បរិស្ថានខេត្តព្រះសីហនុ រដ្ឋបាលស្រុកស្ទឹងហាវ និងរដ្ឋបានឃុំកំពេញ បានចុះត្រួតពិនិត្យ ករណីបង្កឱ្យត្រីងាប់ (ត្រីចិញ្ចឹមរបស់ប្រជាពលរដ្ឋ)។ ក្នុងការចុះពិនិត្យជាក់ស្តែង ក្រុមការងារបានរកឃើញថា ការចាក់សំណល់រឹងឧស្សាហកម្ម ដែលប្រតិបត្តិ​ដោយក្រុមហ៊ុន Mi Ner Va Investment Co., Ltd. លើទីតាំងទុកដាក់សំរាមមួយកន្លែងនៅក្នុងមូលដ្ឋានស្រុកស្ទឹងហាវ ដែលបានរៀបចំឡើង គឺពុំសមស្របតាមលក្ខណៈបច្ចេកទេសបរិស្ថាន និងសំណល់រាវលេចចេញ ប៉ះពាល់ដល់អូរធម្មជាតិ និងជាមូលហេតុបណ្តាលឱ្យមានបញ្ហាត្រីងាប់។ ទន្ទឹមនឹងនេះ ក្រុមការងារក៏បានយក​សំណាកទឹក​មកពិនិត្យបន្ថែម នៅមន្ទីរពិសោធន៍របស់ក្រសួងបរិស្ថាន ដើម្បីតាមដានប៉ារ៉ាមែត្រនៃសារធាតុបំពុលទឹកបន្ថែមទៀតផងដែរ។ ============ [**👉Facebook**](https://www.facebook.com/vayofm)** **[**👉Telegram**](https://t.me/vayofm)** **[** 👉TikTok 👉**](https://www.tiktok.com/@vayofmradio?_t=8qP0w6MsZfe&_r=1)[**YouTube **](https://www.youtube.com/@vayofm105)**👉**[**IOS 👉**](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)