教育部高等教育总局联合东盟大学网络(AUN)在暹粒举办第三期AUN-QA自评报告

វគ្គបណ្តុះបណ្ដាល «ការបង្ហាត់សរសេររបាយការណ៍ស្វ័យវាយតម្លៃកម្រិតកម្មវិធីស្របតាមស្តង់ដាគុណភាពនៃបណ្តាញសាកលវិទ្យាល័យអាស៊ាន (AUN-QA) (ជំនាន់ទី ៣)» សៀមរាប៖ ចាប់ពីថ្ងៃទី៤ ដល់ថ្ងៃទី៧ ខែឧសភា ឆ្នាំ២០២៦ អគ្គនាយកដ្ឋានឧត្តមសិក្សានៃក្រសួងអប់រំ យុវជន និងកីឡា សហការជាមួយបណ្ដាញសាកលវិទ្យាល័យអាស៊ាន (AUN) បានរៀបចំវគ្គបណ្តុះបណ្ដាលស្តីពី «ការបង្ហាត់សរសេររបាយការណ៍ស្វ័យវាយតម្លៃកម្រិតកម្មវិធីស្របតាមស្តង់ដាគុណភាពនៃបណ្តាញសាកលវិទ្យាល័យអាស៊ាន (AUN-QA) (ជំនាន់ទី៣)» «Training Self-Assessment Report Coaching for the Successful AUN-QA Programme Assessment (Batch3) » ក្រោមអធិបតីភាព ឯកឧត្តម ម៉ក់ ងយ អគ្គនាយកនៃអគ្គនាយកដ្ឋានឧត្តមសិក្សានៃក្រសួងអប់រំ យុវជន និងកីឡា និងមានការអញ្ជើញចូលរួមពីថ្នាក់ដឹកនាំ និង មន្ត្រីមកពីអគ្គនាយកដ្ឋានឧត្តមសិក្សា សាកលវិទ្យាល័យភូមិន្ទកសិកម្ម និងសាកលវិទ្យាល័យភូមិន្ទភ្នំពេញ**(RUPP)** នៅសណ្ឋាគារសណ្ឋាគារអេមព្រីសអង្គរ រីសត និងស្ប៉ា ខេត្តសៀមរាប។ វគ្គបណ្ដុះបណ្ដាលនេះ មានគោលបំណង៖ ១.បង្វឹកអ្នកចូលរួមឱ្យមានសមត្ថភាពក្នុងការសរសេរ/ផលិតរបាយការណ៍ស្វ័យវាយតម្លៃឱ្យបានគ្រប់ជ្រុងជ្រោយ និងអនុលោមតាមលក្ខណៈវិនិច្ឆ័យដែលមាននៅក្នុង Program Assessment Guide របស់ AUN-QA និងការរៀបចំភស្តុតាងឱ្យត្រឹមត្រូវ និងគ្រប់គ្រាន់សម្រាប់ការត្រៀមខ្លួនវាយតម្លៃកម្មវិធីដោយ AUN-QA ២. កំណត់ផែនការសកម្មភាពដោយមានក្របខណ្ឌពេលវេលាច្បាស់លាស់ក្នុងការសរសេរបញ្ចប់របាយការណ៍ស្វ័យវាយតម្លៃសម្រាប់កម្មវិធីដែលបានជ្រើសរើស ដើម្បីដាក់វាយតម្លៃដោយមន្ត្រីវាយតម្លៃ របស់ AUN-QA ។ វគ្គបណ្តុះបណ្តាលនេះបង្វឹកដោយគ្រូជំនាញមកពី AUN-QA ពីររូប គឺ Professor Dr. Wan Ahmad Kamil, Lead coach and Lead Assessor នៃ AUN-QA និង Dr. Satria Bijaksana, សមាជិកក្រុមប្រឹក្សា នៃ AUN និងជាអនុប្រធាន AUN-QA។ វគ្គបណ្តុះបណ្តាលនេះស្ថិតនៅក្រោមកិច្ចសហការភាពជាដៃគូរវាងអគ្គនាយកដ្ឋានឧត្តមសិក្សា ជាមួយ AUN ដើម្បីនាំឧត្តមសិក្សាកម្ពុជាទៅកាន់ការទទួលស្គាល់គុណភាពកម្រិតតំបន់ និងអន្តរជាតិ ។ គេហទំព័រ និងបណ្ដាញសង្គមផ្លូវការរបស់​ RUPP 🌐 | [RUPP Website](https://www.rupp.edu.kh/) 🌐 | [Facebook Page](https://www.facebook.com/ruppedu.kh/) 🌐 | [Telegram Channel](https://t.me/ruppnews) 🌐 | [Telegram Chat](https://t.me/+2N5cth6hKMg0M2Jl) 🌐 | [Tiktok](https://www.tiktok.com/@www.rupp.edu.kh?_r=1&_t=ZS-95lg8eK61rg)