ចិនបាញ់បង្ហោះរ៉ុក្កែតដឹកជញ្ជូន Lijian-2 Y1 ជាមួយផ្កាយរណបចំនួន ៣ ទៅកាន់ទីលំហដោយជោគជ័យ
ប្រទេសចិន កាលពីថ្ងៃ៣០មីនា បានបង្ហោះរ៉ុក្កែតដឹកជញ្ជូនប្រភេទ Lijian-2 Y1 ដោយជោគជ័យ ដែលមានផ្ទុកផ្កាយរណបចំនួន ៣ គ្រាប់នៅខាងក្នុង។ រ៉ុក្កែតនេះបានបាញ់បង្ហោះចេញពីតំបន់សាកល្បងនវានុវត្តន៍អវកាសពាណិជ្ជកម្ម នៅភាគពាយព្យនៃប្រទេសចិន កាលពីវេលាម៉ោង ១៩:០០ យប់ (ម៉ោងនៅទីក្រុងប៉េកាំង) ហើយបានបញ្ជូនផ្កាយរណបទាំងនោះទៅកាន់គន្លងតារាវិថីដែលបានគ្រោងទុកដោយជោគជ័យ។
គួរបញ្ជាក់ថា ការបាញ់បង្ហោះនេះគឺជាផ្នែកមួយនៃកិច្ចខិតខំប្រឹងប្រែងរបស់ចិន ក្នុងការជំរុញវិស័យអវកាសពាណិជ្ជកម្ម និងការពង្រឹងសមត្ថភាពដឹកជញ្ជូនផ្កាយរណបទៅកាន់ទីអវកាសឱ្យកាន់តែមានប្រសិទ្ធភាព និងចំណាយតិច។