班迭棉吉省斯瓦杰县难民安置点生活设施逐步完善

ប្រជាជនភៀសសឹកនៅឃុំស្លក្រាម ស្រុកស្វាយចេក បាននិងកំពុងប្រកបអាជីវកម្ម ខណៈហេដ្ឋារចនាសម្ព័ន្ធសាធារណៈ បានសាងសង់រួចរាល់ (AKP) ទិដ្ឋភាពទូទៅ នៅជម្រកបណ្តោះអាសន្ន (ផ្ទះអតីតយុទ្ធជន) ស្ថិតក្នុងភូមិស្លក្រាម ឃុំស្លក្រាម ស្រុកស្វាយចេក ខេត្តបន្ទាយមានជ័យ ដែលមានប្រជាជនភៀសសឹកជិត ៣ ០០០គ្រួសារ កំពុងរស់នៅបណ្តោះអាសន្ន ដោយចាប់ផ្តើមមានសាលារៀន មានមណ្ឌលសុខភាព និងការប្រកបអាជីវកម្មផ្សេងៗ ចាប់ផ្តើមមានដំណើរការ។ ក្រុមការងារទីភ្នាក់ងារសារព័ត៌មានកម្ពុជា ក្រោមការសម្របសម្រួលរបស់ក្រសួងព័ត៌មាន និងរដ្ឋបាលខេត្តបន្ទាយមានជ័យ បានចុះផ្តិតយកទិដ្ឋភាពនេះ នៅព្រឹកថ្ងៃទី១០ ខែឧសភា ឆ្នាំ២០២៦។ យោងតាមសេចក្តីប្រកាសព័ត៌មានរបស់ក្រសួងមហាផ្ទៃ គិតត្រឹមថ្ងៃទី៩ ខែឧសភា ឆ្នាំ២០២៦ មានជនភៀសសឹកជាង ៣២ ០០០នាក់ មិនទាន់អាចវិលត្រឡប់ទៅលំនៅឋានវិញនៅឡើយ និងកំពុងស្នាក់នៅតាមជម្រកបណ្តោះអាសន្ននានាដែលរាជរាជរដ្ឋាភិបាល បានរៀបចំជូន បន្ទាប់ពីទាហានឈ្លានពានថៃបានរំលោភបំពានតាមរយៈការរាយបន្លាលួស ដាក់ទូកុងតឺន័របិទផ្លូវចេញចូលផ្នែកខ្លះនៃភូមិរបស់ពួកគាត់ និងបំផ្លិចបំផ្លាញផ្ទះសម្បែង បន្ទាប់ពីបទឈប់បាញ់ចូលជាធរមានកាលពីខែធ្នូ ឆ្នាំ២០២៥កន្លងទៅ។ ដោយ ផែន រតនៈ (រូបថត៖ ខឹម សុវណ្ណារ៉ា)