贡布省32名执法人员因窃取网诈证据被起诉

តំណាងអយ្យការអមសាលាដំបូង​ បានចោទប្រកាន់ក្រុមសមត្ថកិច្ច៣២​នាក់​ និងអ្នកទទួលផល៤នាក់​ពីបទ«ផ្តេីមគំនិត​ សមគំនិត​ក្នុងបទលួចដោយមានស្ថានទម្ងន់ទោស​ បទលុបបំបាត់ភស្តុតាង​ និងបទទទួលផលចោរកម្ម តាមបញ្ញាត្តិមាត្រា​២៨​ មាត្រា២៩​ មាត្រា​៣៥៣​ មាត្រា​៣៥៧​ មាត្រា​៣៩៩​ មាត្រា​៤០០​ និងមាត្រា​៥៣៣​ នៃក្រមព្រហ្មទណ្ឌ​»។ នេះបេីតាមស្នងការដ្ឋាននគរបាលខេត្តកំពត។ ក្រៅពីបញ្ជាក់បទចោទ​ប្រភពដដែល​ក៏បានបង្ហាញអត្តសញ្ញាណក្រុមជនសង្ស័យ​ តាមការទទូចទាមទាររបស់មហាជនផងដែរ។ សូមជម្រាបថា​ ក្រុមសមត្ថកិច្ច​ និងអាវុធហត្ថ​ ទាំង៣២នាក់ដែលផ្សំគំនិតគ្នាចូលកាត់សៀលយកវត្ថុតាងបទល្មេីស​ Online Scam​នៅក្នុងកាសុីណូ​ព្រែកចាកនេះ​ ត្រូវបានចាប់ខ្លួនកាលពីថ្ងៃទី២៧​ ខែឧសភា​។ អ្នកទទួលផល៤នាក់​ត្រូវបានចាប់ខ្លួននៅពេលបន្តបន្ទាប់គ្នា។ សំណុំរឿងនេះ​ ត្រូវបានបញ្ជូនមកតុលាការសាលាដំបូង​ ដេីម្បីចាត់ការបន្ត៕