德崇和平国家医院成功切除22公斤子宫肌瘤 患者术后平安

ក្រុមគ្រូពេទ្យមន្ទីរពេទ្យតេជោសន្តិភាពបានវះកាត់យកដុំសាច់ស្បូនទម្ងន់២២គីឡូក្រាមចេញអ្នកជំងឺវ័យ៤០ឆ្នាំម្នាក់ ដោយជោគជ័យ និងសុវត្ថិភាព នាថ្ងៃទី៣ ខែកក្កដា ក្រុមគ្រូពេទ្យឯកទេសផ្នែកសម្ភព និងរោគស្ត្រី នៃមន្ទីរពេទ្យជាតិ តេជោសន្តិភាព បានធ្វើការវះកាត់យកដុំសាច់ស្បូនទម្ងន់ ២២គីឡូក្រាម ចេញពីអ្នកជំងឺស្ត្រីវ័យ ៤០ឆ្នាំម្នាក់ ប្រកបដោយជោគជ័យ និងសុវត្ថិភាព។ នេះបើតាមការផ្សព្វផ្សាយរបស់មន្ទីរពេទ្យនៅលើទំព័រហ្វេសប៊ុកផ្លូវការ នារសៀលថ្ងៃទី៤ ខែកក្កដា នេះ។ មន្ទីរពេទ្យអះអាងថា ការវះកាត់ដោយជោគជ័យ និងប្រកបដោយសុវត្ថិភាពបែបនេះ បានបង្ហាញពីសមត្ថភាព និងការខិតខំប្រឹងប្រែងរបស់ក្រុមគ្រូពេទ្យជំនាញ ក្នុងការផ្តល់សេវាវះកាត់ និងថែទាំព្យាបាលប្រកបដោយគុណភាព សុវត្ថិភាព និងប្រសិទ្ធភាពជូនអ្នកជំងឺ។ មន្ទីរពេទ្យជាតិ តេជោសន្តិភាពអំពាវនាវដល់ស្ត្រីទាំងអស់ បើមានរោគសញ្ញាមិនប្រក្រតី ដូចជាពោះរីកធំខុសប្រក្រតី ឈឺពោះរ៉ាំរ៉ៃ ឈាមរដូវច្រើន ឬរោគសញ្ញាគួរឱ្យបារម្ភផ្សេងៗ សូមអញ្ជើញមកពិនិត្យ និងពិគ្រោះព្យាបាលជាមួយគ្រូពេទ្យជំនាញឱ្យបានទាន់ពេលវេលា ដើម្បីសុវត្ថិភាពសុខភាព។