旅游部举办旅游法规评估培训 120名官员参训提升执法质量

ពិធីបិទវគ្គបណ្ដុះបណ្ដាលស្ដីពីវិធីសាស្រ្តនៃការវាយតម្លៃពីផលប៉ះពាល់លើលិខិតបទដ្ឋានគតិយុត្តក្នុងវិស័យទេសចរណ៍ ឯកឧត្តម ទិត ចន្ថា រដ្ឋលេខាធិការប្រចាំការក្រសួងទេសចរណ៍ តំណាងដ៏ខ្ពង់ខ្ពស់ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានអញ្ជើញជាអធិបតីក្នុងពិធីបិទវគ្គបណ្ដុះបណ្ដាលស្ដីពីវិធីសាស្រ្តនៃការវាយតម្លៃពីផលប៉ះពាល់លើលិខិតបទដ្ឋានគតិយុត្តក្នុងវិស័យទេសចរណ៍ជូនមន្ត្រីជំនាញនៃអង្គភាពចំណុះក្រសួងទេសចរណ៍ និងមន្ទីរទេសចរណ៍រាជធានី ខេត្ត ចំនួន ១២០នាក់ នៅសាលាវិជ្ជាជីវៈទេសចរណ៍ រាជធានីភ្នំពេញ។ វគ្គបណ្ដុះបណ្ដាលនេះរៀបចំឡើងក្នុងគោលបំណងពង្រឹងសមត្ថភាពមន្ត្រីជំនាញលើការងារនីតិកម្មក្នុងវិស័យទេសចរណ៍ ដើម្បីគាំទ្រដល់ការងារអាទិភាពរបស់ក្នុងការធ្វើបច្ចប្បន្នភាពច្បាប់ស្តីពីទេសចរណ៍ឱ្យឆ្លើយតបទៅនឹងការវិវត្តនៃឧស្សាហកម្មទេសចរណ៍ជាសកលនិងកម្ពុជា និងការរៀបចំ កសាងលិខិតបទដ្ឋានគតិយុត្តទេសចរណ៍ឱ្យមានគុណភាព សង្គតិភាព សាមញ្ញភាព សុខដុមនីយកម្ម និងមានប្រសិទ្ធភាពក្នុងការអនុវត្ត អនុលោមតាមអនុក្រឹត្យលេខ ១៧០ អនក្រ.បក ចុះថ្ងៃទី២៣ ខែកក្កដា ឆ្នាំ២០២៤ ស្ដីពីការដាក់ឱ្យអនុវត្តគោលការណ៍ណែនាំស្ដីពីនីតិវិធីនិងវិធាននៃការតាក់តែងសេចក្ដីព្រាងច្បាប់និងលិខិតបទដ្ឋានគតិយុត្តផ្សេងទៀត ដោយមានវាគ្មិនកិត្តិយសអញ្ជើញមកពីក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ នៃស្ដីការគណៈរដ្ឋមន្ត្រី ក្រសួងសាធារណការនិងដឹកជញ្ជូន និងក្រសួងប្រៃសណីយ៍និងទូរគមនាគមន៍។