司法部官员出席跨部门会议，讨论如何提升退伍军人及退休人员的社

ឯកឧត្តម កេីត សេកាណូ ប្រតិភូរាជរដ្ឋាភិបាល អគ្គលេខាធិការនៃក្រសួងយុត្តិធម៌ និងជាប្រធានលេខាធិការដ្ឋាននៃគណៈកម្មាធិការ អ.ន.ក. វិស័យយុត្តិធម៌ អញ្ជេីញចូលរួមកិច្ចប្រជុំពិនិត្យ និងពិភាក្សាការងាររបស់គណៈកម្មាធិការ អ.ន.ក. តាមវិស័យ ===================== នៅរសៀលថ្ងៃព្រហស្បតិ៍ ទី៣ ខែកញ្ញា ឆ្នាំ២០២៦ ឯកឧត្តម កេីត សេកាណូ ប្រតិភូរាជរដ្ឋាភិបាល អគ្គលេខាធិការនៃក្រសួងយុត្តិធម៌ និងជាប្រធានលេខាធិការដ្ឋាននៃគណៈកម្មាធិការ អ.ន.ក. វិស័យយុត្តិធម៌ បានអញ្ជេីញចូលរួមកិច្ចប្រជុំពិនិត្យ និងពិភាក្សាការងាររបស់គណៈកម្មាធិការ អ.ន.ក. តាមវិស័យ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការ នៃគណៈកម្មាធិការកណ្តាល អ.ន.ក. នៅសាលប្រជុំទីស្នាក់ការកណ្តាលសមាគមអតីតយុទ្ធជន និងនិវត្តជនកម្ពុជា ក្នុងស្រុកកៀនស្វាយ ខេត្តកណ្តាល។ អង្គប្រជុំ បានពិនិត្យ និងពិភាក្សាគ្នាលេីការងារពាក់ព័ន្ធនឹងការកំណត់អំពីប្រាក់ភាគទានសមាជិក និងប្រាក់បេឡាមរណសង្រ្គោះ ព្រមទាំងការរៀបចំបែបបទ និងរបៀបរបបការងារមួយចំនួន។ សូមបញ្ជាក់ជូនផងដែរ សមាគមអតីតយុទ្ធជន និងនិវត្តជនកម្ពុជា អ.ន.ក. ត្រូវបានបង្កេីតឡេីងដែលមានសម្តេចអគ្គមហាសេនាបតីតេជោ ហ៊ុន សែន ជាប្រធាន និងសម្តេចមហាបវរធិបតី ហ៊ុន ម៉ាណែត ជាអនុប្រធានទី១ មានគោលបំណងការពារសិទ្ធិ ផលប្រយោជន៍ និងលើកស្ទួយកម្រិតជីវភាព ព្រមទាំងបង្កេីតស្មារតីសាមគ្គីភាព ភាតរភាព មនសិការ ជួយឧបត្ថម្ភគ្នាទៅវិញទៅមក ដេីម្បីលើកកម្ពស់តម្លៃកិត្តិយសរបស់អតីតយុទ្ធជន និងនិវត្តជន ឱ្យស័ក្តិសមទៅនឹងគុណបំណាច់ដ៏ធំធេងចំពោះបុព្វហេតុជាតិមាតុភូមិ និងប្រជាជនកម្ពុជា។