柬埔寨勋爵协会主席李永法发函悼念成员家属

លិខិតរំលែកមរណទុក្ខ ពីលោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា ជូនចំពោះ អ្នកឧកញ៉ា ជាម ឃុនណាត សមាជិកក្រុមប្រឹក្សាភិបាល នៃសមាគមឧកញ៉ាកម្ពុជា និងលោកជំទាវ ព្រមទាំងក្រុមគ្រួសារ ចំពោះមរណភាពរបស់ មហាឧបាសក ភោគ រាជ ដែលត្រូវជាលោកតាក្មេករបស់ អ្នកឧកញ៉ា កាលពីថ្ងៃពុធ ១កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែកក្កដា ឆ្នាំ២០២៦ ក្នុងជន្មាយុ ៩២ឆ្នាំ ដោយរោគាពាធ។ ក្នុងវេលាប្រកបដោយសេចក្តីវិយោគដ៏ក្រៀមក្រំនេះ យើងខ្ញុំទាំងអស់គ្នា សូមចូលរួមរំលែកមរណទុក្ខដ៏ស្មោះស្ម័គ្រ ជាមួយ អ្នកឧកញ៉ា លោកជំទាវ និងក្រុមគ្រួសារទាំងមូល ចំពោះការបាត់បង់លោកតាក្មេក និងលោកតាបង្កើតដ៏ឧត្តុង្គឧត្តមមួយរូប ដែលបានចំណាយពេលពេញមួយជីវិតក្នុងការបំពេញតួនាទីជាមេគ្រួសារប្រកបដោយគុណធម៌ សង្គហធម៌ និងព្រហ្មវិហារធម៌ ជាគំរូដ៏ល្អប្រពៃសម្រាប់កូនចៅ និងអ្នកជិតខាង។ សេចក្តីលះបង់ ក្តីស្រឡាញ់ និងការអប់រំទូន្មានរបស់លោក នឹងស្ថិតស្ថេរជាអនុស្សាវរីយ៍ដ៏ថ្លៃថ្លា និងជាមរតកនៃគុណតម្លៃ សម្រាប់ក្រុមគ្រួសារ និងអ្នកដែលបានស្គាល់រាប់អានជានិច្ច។ ក្នុងឱកាសដ៏សោកសង្រេងនេះ យើងខ្ញុំទាំងអស់គ្នា សូមឧទ្ទិសបួងសួងដល់ដួងវិញ្ញាណក្ខន្ធរបស់ មហាឧបាសក ភោគ រាជ សូមបានសោយសុខក្នុងសុគតិភព និងទទួលនូវបរមសុខជានិច្ចនិរន្តរ៍។