新闻部向第二惩教中心捐赠物资 关怀在押女性群体

[来源: 柬埔寨国家电视台] [分类提示: NEWS] 标题: លោកជំទាវ ទុយ សិរីរតនៈ នេត្រ ភក្រ្តា នាំយកអង្ករវីតាមីន ៣០០កេស ទស្សនាវដ្តី និងព្រឹត្តិប័ត្រ ប្រគល់ជូនមណ្ឌលអប់រំកែប្រែទី២ (ម.២) (ភ្នំពេញ)៖ លោកជំទាវ ទុយ សិរីរតនៈ នេត្រ ភក្ត្រា ប្រធានកិត្តិយស សាខាសមាគមនារីកម្ពុជា ដើម្បីសន្តិភាព និងការអភិវឌ្ឍ ក្រសួងព័ត៌មាន រួមជាមួយលោកជំទាវ សន ម៉ារ៉ាដា រដ្ឋលេខាធិការក្រសួងព័ត៌មាន ព្រមទាំងសមាជិក សមាជិកា សាខាសមាគមនារីកម្ពុជា ដើម្បីសន្តិភាព និងការអភិវឌ្ឍក្រសួងព័ត៌មាន បានអញ្ជើញចុះសួរសុខទុក្ខ និងនាំយកអំណោយមនុស្សធម៌ជាច្រើនទៅប្រគល់ជូនដល់មណ្ឌលកែប្រែទី២ (ម២) នៅព្រឹកថ្ងៃទី៥ ខែសីហា ឆ្នាំ២០២៦ ។ សកម្មភាពមនុស្សធម៍នេះធ្វើឡើងក្នុងគោលបំណងចូលរួមចំណែកក្នុងការលើកកម្ពស់សុខុមាលភាព និងផ្តល់ភាពកក់ក្តៅដល់បងប្អូន ជាពិសេសស្ត្រីដែលកំពុងជាប់ឃុំឃាំងនៅទីនោះ។ អំណោយដែលបានប្រគល់ជូនរួមមាន ទស្សនាវដ្តី និងព្រឹត្តិប័ត្រចំនួន ២៥ក្បាល ដែលជាព្រះរាជអំណោយសម្តេចម៉ែ, អង្ករវីតាមីនចំនួន ៣០០កេស, ទស្សនាវដ្តីកម្ពុជា ៣០ក្បាល, សៀវភៅធម៌ ៨០ក្បាល។ សម្រាប់ទឹកសណ្តែក ៥០កេស, ទឹកសណ្តែក Super ៥កេស និងកាហ្វេ ១០កេស ជាអំណោយរបស់ក្រុមហ៊ុនភេសជ្ជៈ Yeo’s Cambodia។ ជាមួយគ្នានេះដែរ ស្ត្រីមានផ្ទៃពោះទទួលបានសារុង និងក្រមា ចំណែកកុមារទទួលបានខោអាវ ថវិកា និងនំ ដែលជាអំណោយផ្ទាល់ពីលោកជំទាវ សេង វណ្ណារី ហួត ឃាងវេង។ លោកជំទាវ ទុយ សិរីរតនៈ នេត្រ ភក្រ្តា មានប្រសាសន៍ថា សកម្មភាពនេះឆ្លុះបញ្ចាំងពីការយកចិត្តទុកដាក់របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងរាជរដ្ឋាភិបាលអាណត្តិទី៧ ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ក្រោមស្មារតី «មិនទុកនរណាម្នាក់ចោលឡើយ»។ លោកជំទាវប្រធានកិត្តិយសសមាគម បានគូសបញ្ជាក់ថា ការផ្តល់អំណោយទាំងនេះ មិនត្រឹមតែជាការចែករំលែកសម្ភារៈប៉ុណ្ណោះទេ ប៉ុ