百列区惯犯频频作案 居民呼吁加强治安管理

បងប្អូនអ្នកដាំឈូកនៅសង្កាត់ព្រែកលួង ក្រុងអរិយក្សត្រ ខេត្តកណ្តាល នៅថ្ងៃទី១៨ ខែកញ្ញា ឆ្នាំ២០២៦ បានចេញមករៀបរាប់ពីសកម្មភាពរបស់ជនល្មើសម្នាក់ ដែលតែងតែលួចផ្លែឈូក ម៉ាស៊ីន ប្រេងម៉ាស៊ីន អាគុយ ទូរស័ព្ទ និងទ្រព្យសម្បត្តិផ្សេងទៀតយ៉ាងសកម្ម ដែលធ្វើឲ្យពួកគាត់មានការព្រួយបារម្ភខ្លាំងនាពេលកន្លងមក។ នៅថ្ងៃនេះ មានការចែកចាយព័ត៌មាន នៃការចាប់ខ្លួនជនល្មើសម្នាក់​ ពាក់ព័ន្ធលួចផ្លែឈូកជាង ៣០ផ្លែ នៅសង្កាត់ព្រែកលួង ដែលនាំឲ្យមានរិៈគន់យ៉ាងខ្លាំងចំពោះចំណាត់ការរបស់សមត្ថកិច្ច។ តែសម្រាប់បងប្អូនជាអ្នកដាំឈូកនៅ តំបន់នោះ បានចេញមកអះអាងថា ជនល្មើសម្នាក់នេះ មិនមែនគ្រាន់តែលួចឈូកនោះទេ គឺលួចគ្រប់ទ្រព្យសម្បត្តិរបស់ពួកគាត់ ពោលជាមុខសញ្ញាចោរដ៏សកម្ម។ បើតាមបងប្អូនរៀបរាប់, ជននេះតែងតែគំរាមពួកគាត់រហូតដល់សម្លាប់ចោលទៀតផង បើសិនហ៊ានប្តឹងសមត្ថកិច្ច។ ពួកគាត់សប្បាយចិត្តនៅពេលដែលកម្លាំងសមត្ថកិច្ចបានឃាត់ខ្លួន និងចាត់វិធានការតាមច្បាប់។ អ៊ុំប្រុសដាំឈូកម្នាក់ បាននិយាយថា កុំថាឈូកជាង ៣០ផ្លែ ទោះមួយការ៉ុង ក៏លោកជូនដែរសម្រាប់អ្នកដែលចង់ហូប តែជននេះមិនមែនលួចឈូកយកទៅហូប និងកាច់លើកដំបូងនោះទេ តែជាប្រចាំបូករួមជាមួយការលួចទ្រព្យ សម្បត្តិផ្សេងទៀត ដែលធ្លាប់បានលួចអស់ជាច្រើន។ សមត្ថកិច្ចមូលដ្ឋាន បានឲ្យដឹងថា ជននេះធ្លាប់ត្រូវបានហៅមកធ្វើកិច្ចសន្យារួចមកហើយ ឲ្យបញ្ឈប់សកម្មភាពលួចឈូក និងរពឹសដៃយកទ្រព្យសម្បត្តិរបស់ប្រជាពលរដ្ឋ តែមិនរៀងចាល។