柬埔寨文化部谴责泰军焚毁考纳寺木质阶梯 涉及边境争议

កម្ពុជាថ្កោលទោសយ៉ាងខ្លាំងក្លាចំពោះទង្វើដុតបំផ្លាញជណ្តើរឈើឡើងប្រាសាទខ្នារដោយយោធាថៃ ភ្នំពេញ ៖ ក្រសួងវប្បធម៌និងវិចិត្រសិល្បៈ នៃព្រះរាជាណាចក្រកម្ពុជា បានចេញសេចក្តីថ្លែងការណ៍មួយនៅថ្ងៃទី៥ ខែមិថុនា ឆ្នាំ២០២៦ ដោយថ្កោលទោសយ៉ាងខ្លាំងក្លាបំផុតចំពោះការបំផ្លិចបំផ្លាញហេដ្ឋារចនាសម្ព័ន្ធជណ្តើរឈើឡើងប្រាសាទខ្នារ ដោយកងកម្លាំងយោធាថៃ។ ជណ្តើរឈើដែលត្រូវបានកសាងឡើងដោយអាជ្ញាធរកម្ពុជាកាលពីឆ្នាំ២០១៧ មានចំនួន ១,១៨១កាំ ប្រវែង ៣២៥ម៉ែត្រ ត្រូវបានសាងសង់ឡើងក្នុងគោលបំណងគាំទ្រដល់ការអភិរក្ស និងសម្រួលដល់ការចូលទស្សនារបស់ភ្ញៀវ អ្នកស្រាវជ្រាវ និងសហគមន៍មូលដ្ឋាន។ ក្រសួងបានចាត់ទុកទង្វើបំផ្លិចបំផ្លាញនេះថា ជាការប៉ុនប៉ងផ្លាស់ប្តូរស្ថានភាពជាក់ស្តែងនៅលើដី បង្កើតស្ថានភាព Fait accompli និងលុបបំបាត់ភស្តុតាងដែលបង្ហាញពីការគ្រប់គ្រង អភិរក្ស និងថែរក្សាទីតាំងប្រាសាទ និងទេសភាពវប្បធម៌ជុំវិញដោយកម្ពុជា។