柬埔寨首相洪玛奈向全国人民及边防部队致以新年祝福

សម្តេចធិបតី ហ៊ុន ម៉ាណែត ជូនពរឆ្នាំថ្មី ដល់ប្រជាជនខ្មែរ និងកងកម្លាំងការពារព្រំដែន ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានបង្ហោះសារតាមបណ្តាញសង្គមហ្វេសបុក ដោយបួងសួងដល់ទេវតាឆ្នាំថ្មី សូមប្រោសព្រំប្រសិទ្ធិពរជ័យសព្វសាធុការជូនដល់បងប្អូនប្រជាជនខ្មែរទាំងអស់ ទាំងនៅក្នុងប្រទេស និងក្រៅប្រទេស។ ក្នុងសារនោះ សម្តេចធិបតីបានលើកឡើងជាពិសេសអំពីវីរៈយុទ្ធជន និងវីរៈនគរបាលជាតិ ដែលកំពុងឈរជើងតាមបណ្តោយព្រំដែន ដើម្បីបំពេញបេសកកម្មការពារបូរណភាពទឹកដីជាតិ។ ទន្ទឹមនឹងនេះ សម្តេចក៏បានជូនពរជ័យដល់បងប្អូនជនភៀសសឹកផងដែរ។ សម្តេចធិបតី ហ៊ុន ម៉ាណែត បានបួងសួងឲ្យប្រជាជនខ្មែរទាំងអស់ សមប្រកបដោយសេចក្តីសុខ សុខភាពល្អ និងទទួលបានជោគជ័យគ្រប់ភារកិច្ចការងារ ព្រមទាំងទទួលបានពុទ្ធពរទាំង៤ប្រការ គឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕