柬埔寨司法部与计划部公务员招录考试进入专业考核阶段

បេក្ខជននៃក្រសួងយុត្តិធម៌ និងផែនការ កំពុងមមាញឹកបញ្ចេញសមត្ថភាពលើវិញ្ញាសាឯកទេស គិតត្រឹមវេលាម៉ោង ២:៣០ នាទីរសៀលនេះ បរិយាកាសនៅក្នុងបន្ទប់ប្រឡងនៃមណ្ឌលសាលាភូមិន្ទរដ្ឋបាល កាន់តែបង្កើនភាពស្ងប់ស្ងាត់ ស្របពេលដែលដំណើរការប្រឡងប្រជែង វគ្គរសៀលនៃក្រសួងទាំងពីរ កំពុងប្រព្រឹត្តទៅទន្ទឹមគ្នាយ៉ាងរលូន។ 👉 ក្រសួងយុត្តិធម៌៖ បេក្ខជនអនាគតមន្ត្រីជំនាញច្បាប់ កំពុងផ្ដោតអារម្មណ៍យ៉ាងខ្លាំងលើវិញ្ញាសាសរសេរឯកទេសទី៣ ដោយបេក្ខជនផ្នែកច្បាប់ព្រហ្មទណ្ឌ កំពុងបំពេញវិញ្ញាសាសរសេរទំនាក់ទំនងអន្តរជាតិ និងបេក្ខជនផ្នែកទំនាក់ទំនងអន្តរជាតិ កំពុងបំពេញវិញ្ញាសាសរសេរព្រហ្មទណ្ឌ (រយៈពេល ១ម៉ោង)។ 👉 ក្រសួងផែនការ (វិទ្យាស្ថានជាតិស្ថិតិ)៖ បេក្ខជនអនាគតមន្ត្រីផ្អែកលើកិច្ចព្រមព្រៀងការងារ កំពុងមមាញឹកយ៉ាងខ្លាំងលើវិញ្ញាសាសរសេរលើកទី១ ផ្នែកជំនាញ/ឯកទេស ដែលជាវិញ្ញាសាចាប់ផ្តើមការប្រឡងប្រជែង។ ✅ សម្រាប់ក្រសួងផែនការ មានតែបេក្ខជន ដែលបានប្រឡងជាប់វិញ្ញាសាសរសេរលើកទី១ នេះតែប៉ុណ្ណោះ ទើបទទួលបានសិទ្ធិអនុញ្ញាតឱ្យបន្តទៅចូលរួមការប្រឡងវិញ្ញាសាផ្ទាល់មាត់ជាបន្តទៀត។