前外交部高官倒卖签证获利300万 涉案人员被捕

លោក ថូ សំណាង ត្រូវបានបញ្ចប់តំណែងពីទីប្រឹក្សាក្រសួងការបរទេស ក្រោយលួចលក់ទិដ្ឋាការពិសេសឱ្យឧក្រិដ្ឋជនបានលុយ៣លានដុល្លារ លោក ថូ សំណាង អតីតអគ្គនាយក នៃអគ្គនាយកដ្ឋានកិច្ចការច្បាប់ កុងស៊ុល និងព្រំដែន ត្រូវបានព្រះមហាក្សត្រកម្ពុជា ចេញព្រះរាជក្រឹត្យបញ្ចប់មុខតំណែងពីទីប្រឹក្សាក្រសួងការបរទេស។ នេះបើតាមព្រះរាជក្រឹត្យចុះថ្ងៃទី២៧ ខែសីហា ប៉ុន្តែទើបមានការផ្សព្វផ្សាយនាថ្ងៃទី៦ ខែកញ្ញា នេះ។ ការបញ្ចប់មុខតំណែងនេះ ធ្វើឡើង ក្រោយពីអង្គភាពប្រឆាំងអំពើពុករលួយរកឃើញថា បុគ្គលនេះ និងបក្ខពួក២នាក់ទៀត លួចលក់សន្លឹកទិដ្ឋាការពិសេសទៅឱ្យជនបរទេសពាក់ព័ន្ធនឹងការឆបោកតាមអនឡាញរកបានលុយប្រមាណ៣លានដុល្លារអាមេរិក។