柬埔寨Facebook与Messenger出现访问故障 邮电

Breaking News :  ក្រសួងប្រៃសណីយ៍កម្ពុជា កំពុងតាមដាន និងរង់ចាំព័ត៌មានបញ្ជាក់ ខណៈ Facebook និង Messenger បន្តរអាក់រអួល ក្រសួងប្រៃសណីយ៍ និងទូរគមនាគមន៍ បានឱ្យដឹងថា បច្ចុប្បន្នបណ្តាញសង្គម Facebook និងកម្មវិធី Messenger នៅតែបន្តជួបប្រទះបញ្ហាមិនអាចប្រើប្រាស់បានសម្រាប់អ្នកប្រើប្រាស់មួយចំនួន នៅតាមតំបន់ផ្សេងៗ។ រហូតមកដល់ពេលនេះ មិនទាន់មានការបញ្ជាក់ជាផ្លូវការអំពីមូលហេតុដែលបណ្តាលឱ្យកើតមានបញ្ហានេះនៅឡើយទេ។ ក្រសួងបានអំពាវនាវដល់សាធារណជន រង់ចាំព័ត៌មានបន្ថែមពីប្រភពផ្លូវការ និងជៀសវាងការចែករំលែកព័ត៌មានដែលមិនទាន់បានផ្ទៀងផ្ទាត់។ ក្រសួងប្រៃសណីយ៍ និងទូរគមនាគមន៍ បញ្ជាក់ថា ខ្លួនកំពុងបន្តតាមដានស្ថានការណ៍យ៉ាងយកចិត្តទុកដាក់ ហើយនឹងជូនដំណឹងបន្ថែម ប្រសិនបើមានព័ត៌មានថ្មី ឬមានការចាំបាច់។