教育部新录用教师培训政策发布 10月26日正式开课

លក្ខខណ្ឌកាតព្វកិច្ច និងស្តង់ដាគុណវុឌ្ឍិក្រោយប្រឡងជាប់ សម្រាប់គ្រូបង្រៀនផ្អែកលើកិច្ចព្រមព្រៀងការងារមធ្យមសិក្សា (កម្រិតវិទ្យាល័យ) លោកជំទាវបណ្ឌិត ឃួន វិច្ឆិកា បានមានប្រសាសន៍ថា បេក្ខជនដែលប្រឡងជាប់ទាំងអស់នឹងទទួលបានការបណ្តុះបណ្តាល ចំនួន ៤៨ក្រេឌិត ដែលការបណ្តុះបណ្តាលនេះ សមមូលទៅនឹងសញ្ញាបត្រ បរិញ្ញាបត្រជាន់ខ្ពស់វិជ្ជាជីវៈគ្រូបង្រៀន។ គ្រប់បេក្ខជនទាំងអស់ត្រូវចូលរៀននៅវិទ្យាស្ថានជាតិអប់រំ (រាជធានីភ្នំពេញ)។ ដូចគ្នានឹងគ្រូកិច្ចព្រមព្រៀងកម្រិតអនុវិទ្យាល័យដែរ បេក្ខជនត្រូវតែទៅបង្ហាញខ្លួន និងចាប់ផ្តើមចូលរៀននៅថ្ងៃទី២៦ខែតុល តទៅ។ សូមអញ្ជើញទស្សនា និងស្ដាប់ប្រសាសន៍ពន្យល់ណែនាំយ៉ាងលម្អិតរបស់ លោកជំទាវបណ្ឌិត ឃួន វិច្ឆិកា អគ្គនាយកនៃអគ្គនាយកដ្ឋានបណ្តុះបណ្តាល និងវិក្រឹតការ នៃក្រសួងអប់រំ យុវជន និងកីឡា ជុំវិញលក្ខខណ្ឌកាតព្វកិច្ច ទីតាំង និងស្តង់ដានៃការបណ្តុះបណ្តាលគរុកោសល្យ សម្រាប់បេក្ខជនប្រឡងជាប់គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា ២០២៦-២០២៧។ 📱សម្រាប់កម្រិតមធ្យមសិក្សា បេក្ខជនអាចចុះឈ្មោះប្រឡង តាមរយៈតំណភ្ជាប់ https://go.gov.kh/era/mcsexam2026bmoeys001 រហូតដល់ថ្ងៃទី០៧ ខែតុលា ឆ្នាំ២០២៦ វេលាម៉ោង ១៧:០០នាទីជាកំហិត។ បេក្ខជនត្រូវជ្រើសរើសប្រឡង តែមួយកម្រិតប៉ុណ្ណោះ (កម្រិតអនុវិទ្យាល័យ ឬវិទ្យាល័យ) ដោយមិនអាចប្រឡងទាំងពីរក្នុងពេលតែមួយបានឡើយ។ សូមអាន និងពិនិត្យអំពីតម្រូវការមុខតំណែង មុខវិជ្ជាឯកទេស និងចំនួនកំណត់ ក្នុងភូមិសាស្ត្ររដ្ឋបាលស្រុកគោលដៅលម្អិត នៅក្នុងតារាងឧបសម្ព័ន្ធដែលភ្ជាប់ជាមួយសេចក្តីជូនដំណឹង https://web.facebook.com/share/p/19XFpWpd8P/ 📱សម្រាប់កម្រិតបឋមសិក្សា បេក្ខជនអាចចុះឈ្មោះប្រឡង តាមរយៈតំណភ្ជាប់ go.gov.kh/era/mcs2026moeys267yeras រហូតដល់ថ្ងៃទី២១ ខែតុលា ឆ្នាំ២០២៦ វេលាម៉ោង ១៧:០០នាទីជាកំហិត។ សូមអាន និងពិនិត្យសេចក្តីជូនដំណឹង និងសេចក្តីណែនាំអំពីគុណវុឌ្ឍិនៃមុខតំណែង និងចំនួនដែលបានប្រកាសជ្រើសរើសក្នុងតារាងឧបសម្ព័ន្ធ តាមរយៈ https://web.facebook.com/share/p/1GM4iFHY99/ បេក្ខជនអាចជជែក និងសាកសួរព័ត៌មានបន្ថែម តាមរយៈតំណភ្ជាប់តេឡេក្រាម៖ https://t.me/+TYE_eD8bVlU0OTZl