柬埔寨公务部将于7月13日至14日在钻石岛会展中心举办202

សេចក្តីជូនដំណឹង៖ ពិធីប្រកាសជ័យលាភីអង្គភាពផ្តល់សេវាសាធារណៈគំរូ ក្នុងវិស័យអប់រំ និងសុខាភិបាល ឆ្នាំ២០២៥ ក្រសួងមុខងារសាធារណៈ សូមជម្រាបជូនសាធារណជនឱ្យបានជ្រាបថា ក្រសួងនឹងរៀបចំ «ពិធីប្រកាសជ័យលាភីអង្គភាពផ្តល់សេវាសាធារណៈគំរូ ក្នុងវិស័យអប់រំ និងវិស័យសុខាភិបាលឆ្នាំ២០២៥ និងប្រកាសដាក់ឱ្យអនុវត្តសម្រាប់ឆ្នាំ២០២៧» ក្នុងពេលឆាប់ៗខាងមុខនេះ។ កម្មវិធីនេះរៀបចំឡើងក្នុងគោលបំណងបំផុសចលនា និងលើកទឹកចិត្តដល់អង្គភាពនានា ក្នុងការលើកកម្ពស់គុណភាព និងប្រសិទ្ធភាពនៃការផ្តល់សេវាសាធារណៈជូនដល់ប្រជាពលរដ្ឋឱ្យកាន់តែមានភាពល្អប្រសើរឡើង ជាពិសេសផ្តោតសំខាន់លើវិស័យអប់រំ និងវិស័យសុខាភិបាល។ កាលបរិច្ឆេទ៖ ថ្ងៃទី១៣-១៤ ខែកក្កដា ឆ្នាំ២០២៦ ទីតាំង៖ សាលមហោស្រព នៃមណ្ឌលសន្និបាត និងពិព័រណ៍កោះពេជ្រ សូមសាធារណជនទាំងអស់ ចូលរួមរង់ចាំតាមដាន និងអបអរសាទរដល់អង្គភាពជ័យលាភី ដែលបានខិតខំបម្រើសេវាសាធារណៈជូនប្រជាពលរដ្ឋប្រកបដោយការទទួលខុសត្រូវខ្ពស់។