班迭棉吉省青年联合会积极投入抗洪救灾

ព្រឹត្តិការណ៍សកម្មភាពស.ស.យ.ក. ខេត្តបន្ទាយមានជ័យ ប្រចាំខែកញ្ញា ឆ្នាំ២០២៦ ..................... គិតចាប់ពីថ្ងៃទី០១ ដល់៣០ ខែកញ្ញា ឆ្នាំ២០២៦ **ក្រោមការដឹកនាំដ៏ខ្ពង់ខ្ពស់របស់លោក កែ សួន សុភាព** ប្រធានសហភាពសហព័ន្ធយុវជនកម្ពុជា ខេត្តបន្ទាយមានជ័យ នៅតែបន្តវត្តមានយ៉ាងសកម្មលើវិថីបម្រើសង្គម ក្រោមស្មារតីសាមគ្គីភាព និងការទទួលខុសត្រូវ តាមរយៈសកម្មភាពមនុស្សធម៌ដូចជាចុះសួរសុខទុក្ខ និងនាំយកអំណោយចែកជូនបងប្អូនប្រជាពលរដ្ឋ ដែលមានជីវភាពខ្វះខាត ជាពិសេសក្នុងកាល:ទេស: ខេត្តបន្ទាយមានជ័យកំពុងប៉ះពាល់ដោយសារគ្រោះទឹកជំនន់ ក្រុមការងារបានចុះជួយសម្របសម្រួលផ្ទាល់ និងនាំយកអំណោយចែកជូនបងប្អូនប្រជាពលរដ្ឋដែលកំពុងរងគ្រោះដោយទឹកជំនន់ ដើម្បីជួយសម្រាលទុក្ខលំបាក និងផ្តល់ភាពកក់ក្តៅដល់ពួកគាត់ទាន់ពេលវេលា។ បន្ថែមពីនេះ** **ស្របពេលជាមួយគ្នានៃឱកាសពិធីបុណ្យកាន់បិណ្ឌ និងភ្ជុំបិណ្ឌ ក្រុមការងារ ស.ស.យ.ក. ខេត្ត បាននាំយកទេយ្យទាន និងបច្ច័យរបស់លោក កែ សួន សុភាព និងលោកស្រី ព្រហ្ម រដ្ឋា ប្រគេនព្រះសង្ឃតាមវត្តអារាមនានា ដើម្បីរួមចំណែកទ្រទ្រង់វិស័យព្រះពុទ្ធសាសនា ដែលជាទីសក្ការៈដ៏ខ្ពង់ខ្ពស់របស់ជាតិ។ រាល់សកម្មភាពទាំងនេះ មិនត្រឹមតែជាការងារស្ម័គ្រចិត្តប៉ុណ្ណោះទេ ប៉ុន្តែគឺជាការស្តែងចេញនូវភារតភាព ការរួមសុខរួមទុក្ខ និងមនោសញ្ចេតដ៏ជ្រាលជ្រៅជាមួយប្រជាពលរដ្ឋនៅគ្រប់កាលៈទេសៈ ស្របតាមទិសដៅរួមក្នុងការចូលរួមចំណែកអភិវឌ្ឍ និងគាំទ្រសហគមន៍ឲ្យកាន់តែមានភាពស្រស់បំព្រង៕