柬中青年创业论坛在金边举办 促进文化与商业交流

[来源: 柬埔寨国家电视台] [分类提示: NEWS] 标题: ឯកឧត្តម កឹម គុណវឌ្ឍន៍ ៖ សៀវភៅ និងការអាន មិនត្រឹមតែជាប្រភពចំណេះដឹងប៉ុណ្ណោះទេ ប៉ុន្តែជាស្ពានសម្រាប់ការផ្លាស់ប្តូរវប្បធម៌ បទពិសោធន៍ និងការពង្រឹងមិត្តភាពរវាងប្រជាជនកម្ពុជា-ចិន ព្រមទាំងជំរុញការតភ្ជាប់ និងការរៀនសូត្ររបស់យុវជន ភ្នំពេញ៖ ឯកឧត្តម កឹម គុណវឌ្ឍន៍ រដ្ឋលេខាធិការ តំណាងឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានថ្លែងថា សៀវភៅ និងការអាន មិនត្រឹមតែជាប្រភពចំណេះដឹងប៉ុណ្ណោះទេ ប៉ុន្តែជាស្ពានសម្រាប់ការផ្លាស់ប្តូរវប្បធម៌ បទពិសោធន៍ និងការពង្រឹងមិត្តភាពរវាងប្រជាជនកម្ពុជា-ចិន ជាពិសេសការតភ្ជាប់ និងការរៀនសូត្ររបស់យុវជនជំនាន់ក្រោយ។ ការថ្លែងនេះធ្វើឡើងក្នុងពិធីបើក «ព្រឹត្តិការណ៍អំណានសហគ្រិនភាពយុវជន កម្ពុជា-ចិន (Tomorrow’s Boss)» និងពិធីសម្ពោធទូដាក់សៀវភៅ «ភាពកក់ក្តៅពីភាគខាងត្បូង បង្កើនទំនាក់ទំនងតាមរយៈសៀវភៅ» នាថ្ងៃទី២៤ ខែកញ្ញា ឆ្នាំ២០២៦ នៅទីស្តីការក្រសួងព័ត៌មាន ក្រោមអធិបតីភាព ឯកឧត្តម ផឹង ពីន អនុប្រធានផ្នែកឃោសនាការនៃគណៈកម្មាធិការបក្សកុម្មុយនិស្តចិនខេត្តយូណាន និងជាប្រធានការិយាល័យកសាងអរិយធម៌ខាងស្មារតីនៃគណៈកម្មាធិការបក្សកុម្មុយនិស្តចិនខេត្តយូណាន ។ ឯកឧត្តម កឹម គុណវឌ្ឍន៍ បានលើកឡើងថា ទំនាក់ទំនងកម្ពុជា-ចិន កំពុងបន្តរីកចម្រើន និងពង្រឹងលើគ្រប់វិស័យ ហើយការផ្លាស់ប្តូររវាងប្រជាជន វប្បធម៌ និងយុវជន គឺជាមូលដ្ឋានសំខាន់ក្នុងការពង្រឹងចំណងមិត្តភាពរវាងប្រទេសទាំងពីរ។ ក្នុងន័យនេះ ការអាន និងការចែករំលែកសៀវភៅ អាចជួយបើកទូលាយការយល់ដឹងពីប្រវត្តិសាស្ត្រ វប្បធម៌ ចំណេះដឹង និងបទពិសោធន៍របស់គ្នាទៅវិញទៅមក។ ឯកឧត្តមបានបញ្ជាក់ថា «Tomorrow’s Boss» គឺជាវេទិកាដែលផ្តោតលើការលើកកម្ពស់ស្មារតីសហគ្រិនភាព នវានុវត្តកម្ម និងការរៀនសូត្ររបស់យុវជនកម្ពុជា-ចិន។ តាមរយៈការអាន និងការផ្លាស់ប្តូរបទពិសោធន៍ យុវជនអាចពង្រឹងចំណេះដឹង សមត្ថភាព និង