皇家金边大学捐赠6000万瑞尔 支持红十字会人道主义活动

**សាកលវិទ្យាល័យភូមិន្ទភ្នំពេញ​ ឧបត្ថម្ភថវិកាចំនួន ៦០,០០០,០០០ រៀល ជូនកាកបាទក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ** **(រាជធានីភ្នំពេញ)៖** នៅព្រឹកថ្ងៃពុធ ទី០៦ ខែឧសភា ឆ្នាំ២០២៦ ឯកឧត្តមសាស្ត្រាចារ្យ ជេត​ ជាលី​ សាកលវិទ្យាធិការ នៃសាកលវិទ្យាល័យភូមិន្ទភ្នំពេ​ញ​ ​អមដំណើរដោយលោកទីប្រឹក្សា និងប្រធានក្លឹបយុវជនកាកបាទក្រហមកម្ពុជា ប្រចាំសាកលវិទ្យាល័យភូមិន្ទភ្នំពេ​ញ​ បានអញ្ជើញចូលរួមក្នុងពិធីជួបសំណេះសំណាល និងប្រគល់ថវិកាឧបត្ថម្ភចំនួន **៦០,០០០,០០០ (ហុកសិបលានរៀល) **ជូនកាកបាទក្រហមកម្ពុជា ដើម្បីអបអរសាទរខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ **«បន្តរួមកម្លាំងគ្នា ដើម្បីមនុស្សធម៌»**។ ពិធីដ៏ថ្លៃថ្លានេះ ប្រព្រឹត្តទៅក្រោមអធិបតីភាពដ៏ខ្ពង់ខ្ពស់ **លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត** អនុប្រធានអចិន្ត្រៃយ៍កាកបាទក្រហមកម្ពុជា តំណាងដ៏ខ្ពង់ខ្ពស់ **សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន** ប្រធានកាកបាទក្រហមកម្ពុជា នៅទីស្នាក់ការកណ្តាលកាកបាទក្រហមកម្ពុជា។ ថវិកាឧបត្ថម្ភចំនួន **៦០ លានរៀល** នាឱកាសនេះ គឺជាសក្ខីភាពបញ្ជាក់ពីការរួមចំណែកយ៉ាងសកម្មរបស់ថ្នាក់ដឹកនាំ បុគ្គលិក សាស្ត្រាចារ្យ និងនិស្សិតនៃសាកលវិទ្យាល័យ ក្នុងការគាំទ្រដល់សកម្មភាពមនុស្សធម៌ដ៏ធំធេងរបស់កាកបាទក្រហមកម្ពុជា ដើម្បីបន្តផ្តល់សេវាកម្មមនុស្សធម៌ ជួយដល់ប្រជាពលរដ្ឋរងគ្រោះដោយគ្រោះមហន្តរាយផ្សេងៗ និងជនងាយរងគ្រោះបំផុតនៅក្នុងសង្គម ដោយមិនទុកនរណាម្នាក់ចោលឡើយ។ #កាកបាទក្រហមកម្ពុជា #RUPP #CRC #ទិវាពិភពលោកកាកបាទក្រហម៨ឧសភា #បន្តរួមកម្លាំងគ្នាដើម្បីមនុស្សធម៌ គេហទំព័រ និងបណ្ដាញសង្គមផ្លូវការរបស់​ RUPP 🌐 | [Facebook Page](https://www.facebook.com/ruppedu.kh/) 🌐 | [Telegram Channel](https://t.me/ruppnews) 🌐 | [Telegram Chat](https://t.me/+2N5cth6hKMg0M2Jl) 🌐 | [Tiktok](https://www.tiktok.com/@www.rupp.edu.kh?_r=1&_t=ZS-95lg8eK61rg)