磅湛省青年联合会新年期间系列活动回顾

ស.ស.យ.ក. ខេត្តកំពង់ចាម សូមជូនសកម្មភាពប្រចាំថ្ងៃទី១៣-១៧ ខែមេសា ឆ្នាំ២០២៦ ដូចខាងក្រោម៖ 👉 ក្រុមគ្រួសារ ស.ស.យ.ក. ទូទាំងខេត្តកំពង់ចាមបានចូលរួមក្នុងព្រឹត្តិការណ៍សង្ក្រាន្តកំពង់ចាម និងតាមស្រុកនីមួយៗប្រព្រឹត្តទៅដោយរលូនរក្សាបាននូវវប្បធម៌ ប្រពៃណីជាតិខ្មែរដ៏ល្អផូរផង់។ 👉ក្រុមគ្រួសារ ស.ស.យ.ក. ខេត្តកំពង់ចាមបានចូលរួមពិធីដង្ហែក្បួនក្នុងព្រឹត្តិការណ៍បើកសង្ក្រាន្តកំពង់ចាម នៅមុខសាលាខេត្ត ក្រោមអធិបតីភាពឯកឧត្តម ខ្លូត ផន ប្រធានក្រុមប្រឹក្សាខេត្ត និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងលោកជំទាវ។ 👉 លោក ផុន មករាឌី ប្រធានស្តីទី ស.ស.យ.ក.ខេត្ត បានបន្តដឹកនាំ និងជួយរៀបចំក្បួន យុវជនស.ស.យ.ក.ខេត្ត ក្នុងការដើរក្បួនដង្ហែ ក្នុងកម្មវិធីបើកសង្ក្រាន្តកំពង់ចាម។ 👉ស.ស.យ.ក. ឃុំទាំង១៥ បានចូលរួមពិធីបើកមហាសង្រ្កាន្តស្រុកព្រៃឈរនៅវត្តប្រាសាទព្រះធាតុទឹកឆា ឃុំក្រូច ស្រុកព្រៃឈរ ខេត្តកំពង់ចាម។ 👉លោក ឈឹម ភិរម្យ ប្រធាន ស.ស.យ.ក. ស្រីស្រីសន្ធរ បានដឹកនាំ ស.ស.យ.ក. ឃុំទាំង១៤ ចូលរួមពិធីបើកមហាសង្រ្កាន្តស្រុកស្រីសន្ធរ នៅវត្តកោះកែវ ឃុំព្រែកដំបូក ស្រុកស្រីសន្ធរ ខេត្តកំពង់ចាម។ 👉លោក ច្រិច ឆេងលាង ស.ស.យ.ក. ឃុំបុសខ្នុរ ស្រុកចំការលើ បានចូលរួមជួយសម្អាតសំរាមនៅមុខផ្សារបុសខ្នុរ ។