卫生部巡查班迭棉吉省医疗中心 强化24小时服务

ការចុះពិនិត្យវឌ្ឍនភាព និងជំរុញការកែលម្អគុណភាពសេវាសុខាភិបាល នៅតាមមណ្ឌលសុខភាព ក្នុងខេត្តវន្ទាតមានជ័យ ជុំទី៣ ។ —— ខេត្តបន្ទាយមានជ័យ៖ ចាប់ពីថ្ងៃទី១៤ ដល់ថ្ងៃទី១៧ ខែកញ្ញា ឆ្នាំ ២០២៦ លោកជំទាវវេជ្ជបណ្ឌិត ចាន់ សុខា អនុរដ្ឋលេខាធិការក្រសួងសុខាភិបាល បានចុះពិនិត្យវឌ្ឍនភាព និងស្ថានភាពបម្រើសេវាសុខាភិបាល នៅតាមមណ្ឌលសុខភាពក្នុងខេត្តបន្ទាយមានជ័យ ។ ការចុះពិនិត្យនេះ ក្នុងគោលបំណងពិនិត្យ និងជួយជំរុញគាំទ្រការអនុវត្តការងារ និងលើកទឹកចិត្តដើម្បីជំរុញបង្កើនសមត្ថភាពការងារបម្រើសេវាសុខាភិបាល កាន់តែមានលក្ខណៈល្អប្រសើរ មានប្រសិទ្ធភាពខ្ពស់ និងផ្តល់នូវភាពកក់ក្តៅជូនដល់បងប្អូនប្រជាពលរដ្ឋ ដែលមកទទួលសេវា ២៤ម៉ោង/៧ថ្ងៃ។ ក្នុងឱកាសនោះដែរ លោកជំទាវវេជ្ជបណ្ឌិត ក៏បានពាំនាំនូវការផ្តាំផ្ញើសួរសុខទុក្ខពីឯកឧត្តមសាស្ត្រាចារ្យរដ្ឋមន្ត្រី ព្រមទាំងថ្លែងអំណរអរគុណដល់មន្ត្រីសុខាភិបាលទាំងអស់ ដែលបានខិតខំប្រឹងប្រែងកែលម្អជាបន្តបន្ទាប់ និងបម្រើសេវាថែទាំ ព្យាបាលជូនប្រជាពលរដ្ឋដោយការទទួលខុសត្រូវខ្ពស់។ សូមបញ្ជាក់ថាការចុះពិនិត្យនេះ មានការសម្របសម្រួលពីលោកវេជ្ជបណ្ឌិត ហេង គឹមស៊ត អនុប្រធានមន្ទីរសុខាភិបាល នៃរដ្ឋបាលខេត្តបន្ទាយមានជ័យ លោកប្រធានការិយាល័យស្រុកប្រតិបត្តិប៉ោយប៉ែត និង លោកប្រធានការិយាល័យស្រុកប្រតិបត្តិមង្គលបូរី ដោយបានចុះតាមមណ្ឌលសុខភាពមានដូចជា៖ ១)មណ្ឌលសុខភាពសឹង្ហ ២)មណ្ឌលសុខភាពចង្ហា ៣)មណ្ឌលសុខភាពអូរបីជាន់ ៤)មណ្ឌលសុខភាពសិលាខ្មែរ ៥)មណ្ឌលសុខភាពនិមិត្ត ៦)មណ្ឌលសុខភាពកូន ៧)មណ្ឌលសុខភាពសំរោង ៨)មណ្ឌលសុខភាពបន្ទាយនាង ៩)មណ្ឌលសុខភាពឬស្សីក្រោក១ ១០)មណ្ឌលសុខភាពស្រះរាំង ១១)មណ្ឌលសុខភាពបត់ត្រង់។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)