柬埔寨人口贩运受害者保护工作组召开2026年一季度总结会

កិច្ចប្រជុំប្រចាំត្រីមាសទី១ ឆ្នាំ២០២៦ របស់ក្រុមការងារការពារជនរងគ្រោះ ដោយអំពើជួញដូរមនុស្ស។ —— រាជធានីភ្នំពេញ៖ ថ្ងៃទី១៦ ខែមិថុនា ឆ្នាំ២០២៦ លោកជំទាវឱសថការី លី គឹមអេង រដ្ឋលេខាធិការក្រសួងសុខាភិបាល បានអញ្ជើញចូលរួម កិច្ចប្រជុំលទ្ធផលសម្រេចបានប្រចាំត្រីមាសទី១ ឆ្នាំ២០២៦ របស់ក្រុមការងារការពារជនរងគ្រោះ ដោយអំពើជួញដូរមនុស្ស ក្រោមអធិបតីភាព ឯកឧត្តម ញុឹក វណ្ណារ៉ា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា នៅទីស្តីការក្រសួងសង្គមកិច្ច អតីតយុទ្ធជន និងយុវនីតិសម្បទា។ កិច្ចប្រជុំនេះមានគោលបំណង៖ -ពិនិត្យលើរបាយការណ៍អនុវត្តកន្លងមកដែលសម្រេចបាន -ពិនិត្យលើបញ្ហាប្រឈម និងដំណោះស្រាយ -លើកទិសដៅអនុវត្តបន្ត សម្រាប់ជួយដល់ជនរងគ្រោះ ដោយអំពើជួញដូរមនុស្ស។ កិច្ចប្រជុំនេះ មានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ អគ្គលេខាធិការ អគ្គនាយក អគ្គនាយករង ប្រធាននាយកដ្ឋានជំនាញ តំណាងក្រសួង ស្ថាប័នពាក់ព័ន្ធ និងអង្គការដៃគូអភិវឌ្ឍន៍ពាក់ព័ន្ធសរុបចំនួន ៥៨នាក់ (ស្រ្តី ៣០នាក់)។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)