干拉省卫生中心负责人因医疗操作不当被撤职

រដ្ឋបាលខេត្តកណ្តាលបញ្ចប់ភារកិច្ច លោក ឈុន ផល្លី ពីតំណែងជា ប្រធានមណ្ឌលសុខភាពសិត្បូ មកជាមន្ត្រី បន្ទាប់ពីសង្គ្រោះបឋម លើនារីអ្នកជំងឺមិនត្រឹមត្រូវ (ភ្នំពេញ)៖ រដ្ឋបាលខេត្តកណ្តាល បានចេញដីកា សម្រេចភារកិច្ច លោក ឈុន ផល្លី ពីតំណែងជាប្រធានមណ្ឌលសុខភាពសិត្បូ មកជាមន្ត្រី បន្ទាប់ពីផ្តល់ការសង្គ្រោះបឋម ដល់អ្នកជំងឺភេទស្រីម្នាក់ មិនត្រឹមត្រូវតាមបច្ចេកទេសវេជ្ជសាស្ត្រ។​ តាមដីកាសម្រេច របស់រដ្ឋបាលខេត្ដកណ្ដាល ដែលបណ្ដាញព័ត៌មាន Fresh News នៅថ្ងៃទី០៤ ខែសីហា ឆ្នាំ២០២៦នេះ បានបញ្ជាក់ថា «ត្រូវបានបញ្ចប់ភារកិច្ចលោក ឈុន ផល្លី អត្តលេខ ១៨៧០៨០០០០៩ ឋានន្តរសក្តិ មន្ត្រីសុខាភិបាល បឋម ថ្នាក់លេខ៤ (គ.៤) នៃរដ្ឋបាលថ្នាក់ក្រោមជាតិខេត្តកណ្តាល ពីប្រធានមណ្ឌលសុខភាពសិត្បូ មកជាមន្ត្រី»៕