暹粒省政府2026智慧城市竞赛启动 接受私企及学生报名

រដ្ឋបាលខេត្តសៀមរាបមានសេចក្ដីសោមនស្សរីករាយ សូមប្រកាសអំពីការប្រកួតគំនិតគម្រោងសាកល្បងទីក្រុងឆ្លាត សម្រាប់ឆ្នាំ២០២៦នេះ ចាប់ពីថ្ងៃទី២៩ ខែមិថុនា ឆ្នាំ២០២៦ នេះតទៅ។ បច្ចុប្បន្ននេះ តាមរយៈកិច្ចសហការរវាងរដ្ឋបាលខេត្តសៀមរាប និងទីភ្នាក់ងារ JICA យើងបានបង្កើតជាកម្មវិធីប្រកួតគំនិតទីក្រុងឆ្លាត ដែលក្រុមហ៊ុនឯកជន និងនិស្សិតដែលជាសមាជិកវេទិកាទីក្រុងឆ្លាតសៀមរាប ( Siem Reap Smart City Consortium ) អាចចូលរួមដាក់ពាក្យប្រកួតប្រជែងបាន។ កន្លងមកនេះ យើងបានធ្វើការប្រកួតប្រជែងម្ដងរួចមកហើយ ដែលមានក្រុមហ៊ុនជ័យលាភីចំនួន២ និងក្រុមនិស្សិតជ័យលាភីចំនួន២ក្រុម។ ចំពោះឆ្នាំ២០២៦ នេះ យើងបានកំណត់ប្រធានបទ និងគោលដៅអនុវត្ត ព្រមទាំងលក្ខខណ្ឌផ្សេងៗដូចមានក្នុងឯកសារខាងក្រោម។ ចំពោះសំនួរផ្សេងៗ សូមមេត្តាផ្ញើសំនួរមកកាន់អ៊ីមេល [email protected] (សូមផ្ញើសំនួរជាភាសាអង់គ្លេស)។ ចំពោះការដាក់ពាក្យ បេក្ខជនត្រូវបំពេញតាមទម្រង់ដែលផ្ដល់ជូន ព្រមទាំងផ្ញើមកកាន់អ៊ីមេលដូចខាងលើផងដែរ។ ក្រុមហ៊ុន ឬនិស្សិតដែលពុំមែនជាសមាជិកវេទិកាទីក្រុងឆ្លាតសៀមរាប អាចទាក់ទងរដ្ឋបាលខេត្តដើម្បីចុះឈ្មោះជាសមាជិកវេទិកានេះ តាមរយៈតេលេក្រាមលេខ ០១២ ៩២៧ ៣៥៨ (លោក ឈឿត ចំណាន មន្ត្រីនៃសាលាខេត្តសៀមរាប)។ 🙏[  ព័ត៌មានលម្អិតសូមចុចត្រង់នេះ...](https://www.facebook.com/share/p/196qTuszkM/) [ 🌎](https://m.facebook.com/story.php?story_fbid=pfbid02znYUMY1NcNWJYMrkTw99VgGGnctiUWQP3tn3GXLsPgyV4CfZgxm3wTMwdErWLsb8l&id=100067930062201&mibextid=ZbWKwL) [Website](https://siemreap.gov.kh/) 🗳 [Facebook](https://www.facebook.com/SiemReap.provincial?mibextid=LQQJ4d)  📱 [YouTube](https://youtube.com/@siemreapprovincialadminist1910?si=SfhhraJ4pQHfqrIL) 📱 [TELEGRAM Channel ](https://t.me/siemreapcando) 🚀 [TELEGRAM HotLine](https://t.me/+XSGZnTUNmB9lMzdl) 📱 [Siem Reap Smart City Data Platform](https://data.siemreap.gov.kh/)