柬埔寨政府推动电子政务改革 优化企业执照办理流程

✨ នារសៀលថ្ងៃទី ១៩ ខែសីហា ឆ្នាំ ២០២៦ នៅទីស្ដីការអគ្គលេខាធិការដ្ឋានគណៈកម្មាធិការសេដ្ឋកិច្ច និងធុរកិច្ចឌីជីថល (គ.ស.ធ.ឌ.), **ឯកឧត្តមបណ្ឌិត គង់ ម៉ារី** រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ, អគ្គលេខាធិការនៃអគ្គលេខាធិការដ្ឋាន គ.ស.ធ.ឌ. និងជាប្រធានក្រុមការងារអន្តរក្រសួងរៀបចំសេវាអេឡិចត្រូនិកសម្រាប់ធុរកិច្ច (ESB) បានដឹកនាំកិច្ចប្រជុំក្រុមការងារអន្តរក្រសួងរៀបចំ ESB ដោយមានការអញ្ជើញចូលរួមពីថ្នាក់ដឹកនាំ និងមន្ត្រីជំនាញពាក់ព័ន្ធ មកពី ៥ ក្រសួង ស្ថាប័ន រួមទាំងអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ (អ.ទ.ច.)។ 👉🏻កិច្ចប្រជុំនេះរៀបចំឡើងក្នុងគោលបំណងពិភាក្សាលើការពិនិត្យលទ្ធភាពកែសម្រួលកម្រៃសេវា រយៈពេលនៃការអនុម័ត និងសុពលភាពលិខិតអនុញ្ញាត ឬអាជ្ញាបណ្ណជំនាញនៃក្រសួង ស្ថាប័នដែលមានសេវាគោលពាក់ព័ន្ធនឹងសហគ្រាសធុនមីក្រូ តូច និងមធ្យម (MSMEs) សំដៅរៀបចំភ្ជាប់សេវាទាំងនោះទៅក្នុងប្រព័ន្ធអេកូឡូស៊ីនៃ ថ្នាល CamDX ឱ្យសម្រេចបានត្រឹមដំណាច់ខែ កញ្ញា ឆ្នាំ ២០២៦។ កិច្ចការសម្រួលនីតិវិធីនេះ ស្របតាមការស្ម័គ្រចិត្តរបស់ក្រសួង ស្ថាប័ន ដោយឈរលើគោលការណ៍បង្កើនផលិតភាព ពង្រឹងប្រសិទ្ធិភាព និងល្បឿនការងារ ខណៈធានាបាននូវការចេញអាជ្ញាបណ្ណប្រកបដោយភាពម៉ត់ចត់។