ABA银行发布防诈骗预警 严防伪造贷款文件

🚨 ទទួលសារពាក់ព័ន្ធនឹងការផ្ដល់កម្ចី ឬតារាងបង់ប្រាក់ថ្មី? កុំជឿ បើមិនទាន់បានសួរបញ្ជាក់ជាមួយធនាគារ។ ជនឆបោក ក្លែងបន្លំជាធនាគារ និងគ្រឹះស្ថានហិរញ្ញវត្ថុ ដោយផ្ញើឯកសារក្លែងក្លាយ ឬហ្វាលបង្កប់ ដែលមើលមួយភ្លែតដូចឯកសារពិត។ ការចុចបើកហ្វាលរបស់ជនឆបោក គឺជាការផ្ដល់ឱកាសឲ្យពួកគេលួចព័ត៌មានផ្ទាល់ខ្លួនរបស់អ្នក ឬបង្កគ្រោះថ្នាក់ដល់ទូរស័ព្ទ/កុំព្យូទ័ររបស់អ្នក។ មុនពេលបើកហ្វាល ឯកសារភ្ជាប់ ឬតំណភ្ជាប់អ្វីមួយ សូមប្រាកដថាលោកអ្នកបាន៖ ✔️ សួរបញ្ជាក់ជាមួយ ABA ដោយផ្ទាល់ តាមបណ្ដាញទំនាក់ទំនងផ្លូវការណាមួយ។ ✔️ ពិនិត្យផ្ទៀងផ្ទាត់សាវតាអ្នកផ្ញើច្បាស់លាស់ ថាជារូបគេពិតប្រាកដមែន ✔️ បដិសេធ ឬកុំប៉ះពាល់ ឬកុំឆ្លើយឆ្លងជាមួយបុគ្គលដែលស្នើសុំលេខសម្ងាត់, លេខ OTP, លេខ PIN, ឬព័ត៌មានបើកចូលគណនីជាដើម។ បុគ្គលិកធនាគារពិតប្រាកដ មិនដែលស្នើសុំព័ត៌មានបែបនេះពីអតិថិជនឡើយ។ មិនថាសារដែលទទួលបាន ដូចមែនទែនកម្រិតណា សូមសួរបញ្ជាក់ដោយផ្ទាល់ជាមួយស្ថាប័នសិន មុនសម្រេចចុច ឬធ្វើសកម្មភាពអ្វីមួយ។ 📞 ប្រសិនបើអ្នកយល់ថា មានភាពមិនប្រក្រតីណាមួយ សូមទាក់ទងមកយើងខ្ញុំភ្លាមៗតាមលេខ1 800 203 203 (តេឥតគិតថ្លៃក្នុងប្រទេសកម្ពុជា)។ #ABABank #ScamAlert