西港海域破获重大毒品走私案 缴获近1吨毒品及49支枪械

🔴**ព័ត៌មានទាន់ហេតុការណ៍៖ **បំបែកសំណុំរឿងក្តៅលើផ្ទៃសមុទ្រ ៖ សមត្ថកិច្ចឃាត់ខ្លួនជនជាតិចិន ៧នាក់ ដកហូតគ្រឿងញៀនជិត ១តោន និងអាវុធជិត ៥០ដើម នៅខេត្តព្រះសីហនុ ........ កម្លាំងជំនាញនៃនាយកដ្ឋាននគរបាលការពារព្រំដែនទឹក បានបើកប្រតិបត្តិការបង្ក្រាបករណីជួញដូរគ្រឿងញៀន និងអាវុធខុសច្បាប់ទ្រង់ទ្រាយធំមួយនៅលើផ្ទៃសមុទ្រ ដោយឃាត់ខ្លួនជនសង្ស័យជាជនជាតិចិនចំនួន ៧នាក់ ព្រមទាំងដកហូតគ្រឿងញៀនជិត ១តោន និងកាំភ្លើងវែង-ខ្លីចំនួន ៤៩ដើម។ ប្រតិបត្តិការនេះបានធ្វើឡើងកាលពីរំលងអធ្រាត្រ ឈានចូលថ្ងៃទី២៣ ខែកញ្ញា ឆ្នាំ២០២៦ វេលាម៉ោង ០០:១០នាទី នៅចំណុចម្តុំកោះឫស្សី ក្នុងភូមិសាស្ត្រដែនសមុទ្រខេត្តព្រះសីហនុ ដឹកនាំបញ្ជាផ្ទាល់ដោយលោកឧត្តមសេនីយ៍ឯក ទូច ពលៈ ប្រធាននាយកដ្ឋាននគរបាលការពារព្រំដែនទឹក សហការជាមួយកម្លាំងអង្គភាពបង្ក្រាបបទល្មើសលើផ្ទៃសមុទ្រ និងកម្លាំងវរសេនាតូចនគរបាលការពារព្រំដែនទឹកលេខ២៤០។ យោងតាមប្រភពពីអគ្គស្នងការដ្ឋាននគរបាលជាតិ ជោគជ័យនៃការបង្ក្រាបនេះ គឺកើតចេញពីការដាក់បណ្ដាញសម្ងាត់តាមដានស្រាវជ្រាវយ៉ាងយកចិត្តទុកដាក់អស់រយៈពេលជាច្រើនថ្ងៃ រហូតឈានដល់ការកំណត់មុខសញ្ញានិងគោលដៅជាក់លាក់។ ជាលទ្ធផល កម្លាំងជំនាញបានដកហូតវត្ថុតាងរួមមាន៖ គ្រឿងញៀន៖ ទម្ងន់ជិត ១តោន អាវុធវែង និងខ្លី៖ សរុប ៤៩ដើម បង់កាំភ្លើង៖ ចំនួន ១០៨បង់ គ្រាប់កាំភ្លើង៖ ចំនួន ៧,៩៣៧គ្រាប់ ស៊ីឡាំងសឺ (ឧបករណ៍បំបាត់សំឡេង)៖ ចំនួន ៨ដើម បច្ចុប្បន្ន ជនសង្ស័យទាំង ៧នាក់ រួមជាមួយវត្ថុតាងទាំងអស់ ត្រូវបានសមត្ថកិច្ចជំនាញកសាងសំណុំរឿងដើម្បីចាត់ការបន្តតាមនីតិវិធីច្បាប់យ៉ាងតឹងរ៉ឹងបំផុត៕ ប្រភពនិងរូបភាព៖ សៀ សៀកឡេង 🌐[PNS News Cambodia](https://www.facebook.com/share/18PwN6TuDX/) 🌐[PNS News Cambodia](https://t.me/pnsnewscambodia) 🌐[PNS_News​_Cambodia](https://www.tiktok.com/@pnsnews_cambodia?_r=1&_t=ZS-99L97djyBAW)