柬埔寨警方接受法国专家现场勘查培训

មន្ត្រីនគរបាលកម្ពុជា ២០រូប បានទទួលការបណ្តុះបណ្តាលជំនាញឯកទេសស្តីពី «ការពិនិត្យវិភាគកន្លែងកើតហេតុ»ពីអ្នកជំនាញបារាំង ប្រទេសបារាំង និងកម្ពុជា ពង្រឹងកិច្ចសហប្រតិបត្តិការនគរបាលចាប់ពីថ្ងៃទី១០ ដល់ថ្ងៃទី១៤ ខែសីហា មន្ត្រីនគរបាលកម្ពុជាចំនួន ២០រូប បានទទួលការបណ្តុះបណ្តាលជំនាញឯកទេសស្តីពី «ការពិនិត្យវិភាគកន្លែងកើតហេតុ» ដែលវគ្គបណ្តុះបណ្តាលនេះត្រូវបានបង្ហាត់បង្ហាញដោយអ្នកជំនាញបារាំង។ រៀបចំឡើងដោយលោក Stéphane Gay អនុព័ន្ធសន្តិសុខផ្ទៃក្នុង ក្នុងគោលបំណងពង្រឹងសមត្ថភាពមន្ត្រីបច្ចេកទេសលើការប្រមូល ការរក្សាទុកវត្ថុតាង ស្នាមដាន និងតំរុយនានា ការបណ្ដុះបណ្ដាលនេះប្រព្រឹត្តទៅនៅក្រោមការដឹកនាំរបស់លោកឧត្តមសេនីយ៍ឯក ទិត្យ ប៊ុណ្ណា ប្រធាននាយកដ្ឋាននគរបាលបច្ចេកទេស និងវិទ្យាសាស្ត្រ។ កម្មសិក្សានេះគឺជាសក្ខីភាពនៃកិច្ចសហប្រតិបត្តិការរវាងបារាំង និងកម្ពុជា ក្នុងកិច្ចអភិវឌ្ឍនវានុវត្តន៍បច្ចេកទេសស៊ើបអង្កេត៕ ប្រភព៖ស្ថានទូតបារាំងប្រចាំកម្ពុជា