商务部举办柬英美贸易交流会 推动数字贸易合作

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អញ្ជើញជាអធិបតីក្នុងកម្មវិធីជំនួបបណ្តាញទំនាក់ទំនងកម្ពុជា-ព្រីតថេន-សហរដ្ឋអាម៉េរិក (Cambodia-UK-U.S. Joint Networking Reception) ក្នុង "វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣" ... (ភ្នំពេញ)៖ នាល្ងាចថ្ងៃសុក្រ ទី១១ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីក្នុងកម្មវិធីជំនួបបណ្តាញទំនាក់ទំនងកម្ពុជា-ព្រីតថេន-សហរដ្ឋអាម៉េរិក (Cambodia-UK-U.S. Joint Networking Reception) ក្នុង "វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣"។ ពិធីនេះមានការអញ្ជើញចូលរួមពី ឯកឧត្តម Dominic Williams ឯកអគ្គរាជទូតព្រីតថេនប្រចាំកម្ពុជា លោក Andrew Leyva ទីប្រឹក្សាផ្នែកនយោបាយ និងសេដ្ឋកិច្ចនៃស្ថានទូតសហរដ្ឋអាម៉េរិកប្រចាំរាជធានីភ្នំពេញ ថ្នាក់ដឹកនាំក្រសួង-ស្ថាប័ន ភ្ញៀវកិត្តិយស ធុរជន សហគ្រិន និងតំណាងដៃគូអភិវឌ្ឍន៍ជាច្រើនរូប។ ក្នុងមតិស្វាគមន៍ លោកជំទាវរដ្ឋមន្ត្រី បានសម្ដែងនូវការស្វាគមន៍យ៉ាងកក់ក្ដៅចំពោះអ្នកចូលរួមទាំងអស់ និងបានថ្លែងអំណរគុណចំពោះស្ថានទូតសហរដ្ឋអាម៉េរិក និងស្ថានទូតព្រីតថេន ដែលតែងតែផ្ដល់កិច្ចសហការ និងភាពជាដៃគូយ៉ាងរឹងមាំជាមួយក្រសួងពាណិជ្ជកម្ម។ លោកជំទាវរដ្ឋមន្ត្រីបានគូសបញ្ជាក់ថា ការជួបជុំនេះឆ្លុះបញ្ចាំងពីការប្ដេជ្ញាចិត្តរួមក្នុងការជំរុញភាពជាដៃគូឱ្យឈានហួសពីកិច្ចសន្ទនា តាមរយៈការបង្កើតទំនាក់ទំនងប្រកបដោយអត្ថន័យរវាងរាជរដ្ឋាភិបាល វិស័យធុរកិច្ច បច្ចេកវិទ្យា និងទីផ្សារ។ លោកជំទាវរដ្ឋមន្ត្រី បានលើកឡើងអំពីតួនាទីដ៏សំខាន់នៃពាណិជ្ជកម្មឌីជីថល ក្នុងការតភ្ជាប់ផលិតករ និងសហគ្រាសកម្ពុជាជាមួយអ្នកបញ្ជាទិញ និងអ្នកប្រើប្រាស់នៅទូទាំងពិភពលោក កាត់បន្ថយថ្លៃដើមពាណិជ្ជកម្ម បង្កើនតម្លាភាព និងពង្រឹងសមត្ថភាពប្រកួតប្រជែងរបស់ធុរកិច្ច។ លោកជំទាវរដ្ឋមន្ត្រី ក៏បានបញ្ជាក់ពីកិច្ចខិតខំប្រឹងប្រែងជាបន្តបន្ទាប់របស់រាជរដ្ឋាភិបាល ក្នុងកិច្ចសម្រួលពាណិជ្ជកម្ម និងលើកកម្ពស់ការផ្ដល់សេវាសាធារណៈ តាមរយៈប្រព័ន្ធបញ្ជរតែមួយជាតិ ការចុះបញ្ជីពាណិជ្ជកម្ម និងសេវាកម្មកម្មសិទ្ធិបញ្ញាតាមប្រព័ន្ធអនឡាញ ថ្នាលទីផ្សារអេឡិចត្រូនិក CambodiaTrade ប្រព័ន្ធវិញ្ញាបនបត្របញ្ជាក់ដើមកំណើតទំនិញអេឡិចត្រូនិក និងប្រព័ន្ធលិខិតអនុញ្ញាតរៀបចំពិព័រណ៍អេឡិចត្រូនិកដែលនឹងដាក់ឱ្យដំណើរការនាពេលខាងមុខ។… - - - Her Excellency CHAM Nimul, Minister of Commerce, Presides Over the Cambodia–UK–U.S. Joint Networking Reception at the 3rd Cambodia Digital Trade Forum and Online Expo ... (Phnom Penh): On the evening of Friday, 11 September 2026, at the Diamond Island Convention and Exhibition Center, Her Excellency CHAM Nimul, Minister of Commerce, presided over the Cambodia–UK–U.S. Joint Networking Reception, held on the occasion of the 3rd Cambodia Digital Trade Forum and Online Expo. The reception was attended by His Excellency Dominic Williams, British Ambassador to Cambodia; Mr. Andrew Leyva, Political and Economic Counselor of the U.S. Embassy in Phnom Penh; senior officials; distinguished guests; business leaders; innovators; entrepreneurs; and representatives of development partners. In her opening remarks, Her Excellency Minister warmly welcomed all participants and expressed her sincere appreciation to the Embassy of the United States and the British Embassy in Cambodia for their strong partnership with the Ministry of Commerce. She emphasized that the gathering reflected a shared commitment to advancing partnerships that go beyond dialogue by creating meaningful connections among government, business, technology, and markets…. 👉 [អានបន្ត](https://m.facebook.com/story.php?story_fbid=pfbid02SuoQsXBJ3jQbVWSFgU27iNJNAKoupprLAU6xfLdkR82JDwpx3rxXUk6UUrNc2XhBl&id=100064434949568)… … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))