柬埔寨国家银行开展年度宏观经济调研 诚邀企业参与

🙏 **សេចក្តីជូនដំណឹង និងស្នើសុំ**[**ការចូលរួមស្ទង់មតិ**](https://docs.google.com/forms/d/e/1FAIpQLSe_xHFqOz2a3CeVm1lBUymDMsFbeZ8GxRKkY5P-On1KqRVc7Q/viewform?usp=header)!!! **ជម្រាបសួរ លោក/លោកស្រី ម្ចាស់សហគ្រាស និងអ្នកពាក់ព័ន្ធជាទីគោរព!** ខ្ញុំសូមគោរពអញ្ជើញ លោក/លោកស្រី ចូលរួមបំពេញកម្រងសំណួរស្រាវជ្រាវក្រោមប្រធានបទ **«ការលើកកម្ពស់ផលិតកម្មក្នុងស្រុក និងការជំនួសផលិតផលនាំចូលប្រកបដោយចីរភាព»** ដែលត្រូវបានរៀបចំឡើងសម្រាប់ចូលរួមក្នុង **សន្និសីទម៉ាក្រូសេដ្ឋកិច្ចប្រចាំឆ្នាំលើកទី១៣ ឆ្នាំ២០២៦ របស់ធនាគារជាតិនៃកម្ពុជា**។ [ការស្ទង់មតិនេះ](https://docs.google.com/forms/d/e/1FAIpQLSe_xHFqOz2a3CeVm1lBUymDMsFbeZ8GxRKkY5P-On1KqRVc7Q/viewform?usp=header)មានគោលបំណងប្រមូលព័ត៌មាន និងមតិយោបល់ពីសហគ្រាសផលិតកម្មក្នុងស្រុក និងអ្នកពាក់ព័ន្ធ ដើម្បីសិក្សាអំពីស្ថានភាពជាក់ស្តែង បញ្ហាប្រឈម សក្តានុពល និងតម្រូវការគាំទ្រក្នុងការអភិវឌ្ឍផលិតកម្មក្នុងស្រុក។ **លទ្ធផលនៃការស្រាវជ្រាវនឹងត្រូវប្រើប្រាស់សម្រាប់៖** ១. វិភាគស្ថានភាព និងបញ្ហាប្រឈមរបស់សហគ្រាសផលិតកម្មក្នុងស្រុក។ ២. កំណត់ផលិតផលដែលមានសក្តានុពលសម្រាប់ជំនួសការនាំចូល។ ៣. រៀបចំអនុសាសន៍ និងជម្រើសគោលនយោបាយ ដើម្បីលើកកម្ពស់ផលិតកម្មក្នុងស្រុក បង្កើនភាពប្រកួតប្រជែង និងបង្កើនតម្លៃបន្ថែមក្នុងស្រុក។ ៤. ផ្តល់ធាតុចូលសម្រាប់ការពិភាក្សាគោលនយោបាយ និងការរៀបចំវិធានការគាំទ្រដល់សហគ្រាសធុនមីក្រូ តូច និងមធ្យម (MSMEs) និងវិស័យផលិតកម្មនៅកម្ពុជា។ ⚠️ព័ត៌មានដែលលោក/លោកស្រីផ្តល់ជូន **នឹងត្រូវរក្សាការសម្ងាត់** និងប្រើប្រាស់ **សម្រាប់គោលបំណងស្រាវជ្រាវ និងការវិភាគជាសរុបតែប៉ុណ្ណោះ**។ លទ្ធផលនឹងមិនបង្ហាញព័ត៌មានដែលអាចកំណត់អត្តសញ្ញាណរបស់សហគ្រាស ឬបុគ្គលណាមួយឡើយ។ ⏱️ការបំពេញកម្រងសំណួរនេះចំណាយពេលប្រហែល **១៥–២០ នាទី**។ [**🧰 ការចូលរួមរបស់លោក/លោកស្រី មានសារៈសំខាន់យ៉ាងខ្លាំង** ក្នុងការផ្តល់ព័ត៌មានជាក់ស្តែង ដែលអាចរួមចំណែកដល់ ការកែលម្អ គោលនយោបាយ ការរៀបចំកម្មវិធីគាំទ្រ និងការលើកកម្ពស់ ការអភិវឌ្ឍ ផលិតកម្មក្នុងស្រុកប្រកបដោយចីរភាព។](https://docs.google.com/forms/d/e/1FAIpQLSe_xHFqOz2a3CeVm1lBUymDMsFbeZ8GxRKkY5P-On1KqRVc7Q/viewform?usp=header) **សូមអរគុណចំពោះពេលវេលា កិច្ចសហការ និងការចូលរួមដ៏មានតម្លៃរបស់លោក/លោកស្រី។** [📑 ចុចទីនេះដើម្បីឆ្លើយនឹងសំនួរ](https://docs.google.com/forms/d/e/1FAIpQLSe_xHFqOz2a3CeVm1lBUymDMsFbeZ8GxRKkY5P-On1KqRVc7Q/viewform?usp=header) [Google Docs] | កម្រងសំណួរស្រាវជ្រាវ | ការលើកកម្ពស់ផលិតកម្មក្នុងស្រុក និងការជំនួសផលិតផលនាំចូលប្រកបដោយចីរភាព ករណីសិក្សា៖ វិស័យម្ហូបអាហារ និងសម្ភារៈប្រើប្រាស់នៅកម្ពុជា សម្រាប់សន្និសីទម៉ាក្រូសេដ្ឋកិច្ចប្រចាំឆ្នាំលើកទី១៣ ឆ្នាំ២០២៦ ធនាគារជាតិនៃកម្ពុជា សេចក្តីណែនាំ សំណួរនេះមានគោលបំណងប្រមូលព័ត៌មានពីសហគ្រាសផលិតកម្ម និងអ្នកពាក់ព័ន្ធ ដើម្បីវិភាគស្ថានភាពផលិតកម្មក្នុងស្រុក បញ្ហាប្រឈម សក្តានុពល និងតម្រូវការគាំទ្រ សម្រាប់រៀបចំអនុសាសន៍គោលនយោបាយជំរុញផលិតកម្មក្នុងស្រុក និងការជំនួសផលិតផលនាំចូលប្រកបដោយចីរភាព។ ព័ត៌មានទាំងអស់នឹងត្រូវរក្សាការសម្ងាត់ និងប្រើប្រាស់សម្រាប់គោលបំណងស្រាវជ្រាវតែប៉ុណ្ណោះ។ | https://docs.google.com/forms/d/e/1FAIpQLSe_xHFqOz2a3CeVm1lBUymDMsFbeZ8GxRKkY5P-On1KqRVc7Q/viewform?usp=header