泰国村委会主席当众掌掴青年引发争议

រឿងអាស្រូវសង្ក្រាន្តថៃ! ប្រធានក្រុមប្រឹក្សាឃុំម្នាក់ ទះកំផ្លៀងយុវជនម្នាក់កណ្តាលចំណោមមនុស្សផ្អើលពេញផ្សារ សារព័ត៌មានថៃបានផ្សាយនាពេលថ្មីៗនេះថា ៖ ឃ្លីបវីដេអូកាមេរ៉ាសុវត្ថិភាពមួយដែលបង្ហោះនៅលើបណ្ដាញសង្គមបានបង្កការរិះគន់យ៉ាងខ្លាំង បន្ទាប់ពីប្រធានក្រុមប្រឹក្សាឃុំទឹកធ្លាក់ Sai Yok Noi បានប្រើហិង្សាទះកំផ្លៀងបុរសម្នាក់កណ្តាលចំណោមមនុស្សផ្អើលពេញផ្សារកាលពីយប់ថ្ងៃទី១៧ ខែមេសា កន្លងទៅ។ ជនរងគ្រោះអះអាងថា ខណៈកំពុងឈរជជែកគ្នា សមាជិកក្រុមប្រឹក្សាឃុំរូបនោះបានដើរចូលមកសួរបញ្ជាក់ពីតួនាទីក្នុងមុខតំណែងមន្ត្រីរបស់ខ្លួន រួចក៏ទះកំផ្លៀងមួយដៃបង្កឱ្យមានការភ្ញាក់ផ្អើល និងជួយឃាត់ពីសំណាក់អ្នកភូមិ។ ភាគីជនរងគ្រោះជឿថា កំហឹងនេះបណ្តាលមកពីជម្លោះរឿងសាលាក្រុងយកបង្គោលភ្លើងសូឡាទៅបោះចំមុខដីរបស់ខ្លួន ទើបធ្វើឱ្យមន្ត្រីរូបនោះមិនពេញចិត្តចំពោះមន្ត្រីសាលាក្រុង។ រីឯសមាជិកក្រុមប្រឹក្សាឃុំដែលបង្កហេតុបានទទួលស្គាល់ថា ពិតជាមានការប៉ះទង្គិចគ្នាដូចក្នុងឃ្លីបមែន ប៉ុន្តែអះអាងថា ជនរងគ្រោះតែងតែយកឈ្មោះអង្គភាពខ្លួនមកគំរាមកំហែងរូបលោក និងអ្នកភូមិជារឿយៗ។