柬埔寨司法部举办法院行政研讨会 强化全国25省市案件数据管理

ឯកឧត្តម ជីវ សុងហាក់ រដ្ឋលេខាធិការក្រសួងយុត្តិធម៌ បានអញ្ជើញជាអធិបតីបេីកសិក្ខាសាលា ស្តីពី តួនាទី ភារកិច្ច អង្គភាព រដ្ឋបាល តុលាការ និង សេវាគាំទ្រ ផ្ទៃក្នុងតុលាការ ==================== នាថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦ ឯកឧត្តម ជីវ សុងហាក់ រដ្ឋលេខាធិការក្រសួងយុត្តិធម៌ បានអញ្ជើញជាអធិបតីបេីកសិក្ខាសាលា ស្តីពីតួនាទី ភារកិច្ចអង្គភាពរដ្ឋបាលតុលាការ និងសេវាគាំទ្រ ផ្ទៃក្នុងតុលាការ ប្រព្រឹត្ត ទៅនៅថ្ងៃទី៣-៤ ខែមិថុនា ឆ្នាំ២០២៦ នៅសណ្ឋាគារភ្នំពេញ ដោយមានការចូលរួមពីថ្នាក់ដឹកនាំ និងមន្រ្តីនៃអគ្គនាយកដ្ឋានកិច្ចការរដ្ឋបាលតុលាការ, អគ្គនាយកដ្ឋានកិច្ចការអយ្យការ និងព្រហ្មទណ្ឌ និងលេខាធិការដ្ឋាននៃគណៈបញ្ជាការដឹកនាំយុទ្ធនាការ ក្រសួងយុត្តិធម៍ ព្រមទាំងលោក លោកស្រី ដែលជាប្រធានលេខាធិការដ្ឋាន និងមន្ត្រី នៃលេខាធិការដ្ឋានរដ្ឋបាលសាលាដំបូងរាជធានីខេត្ត ទាំង២៥ សរុបចំនួន ៨០នាក់។ សិក្ខាសាលានេះត្រូវបានរៀបចំឡើងក្នុងគោលបំណងដើម្បី ពង្រឹងការអនុវត្តតួនាទី និងភារកិច្ច នៃលេខាធិការដ្ឋានរដ្ឋបាលតុលាការ ក្នុងនាមជាសេនាធិការឱ្យអង្គការតុលាការ និងអង្គការអយ្យការ ក្នុងដំណេីរការគាំទ្រសេវាផ្ទៃក្នុងតុលាការ និងការរៀបចំរបាយការណ៍ទិន្នន័យសំណុំរឿងរបស់សាលាជម្រះក្តី សម្រាប់បម្រើដល់យុទ្ធនាការដែលក្រសួងយុត្តិធម៌បានដាក់ចេញ និងរបាយការណ៍សម្រាប់អគ្គនាយកដ្ឋានរដ្ឋបាលតុលាការ។ សិក្ខាសាលានេះ ក៏មានការចូលរួមពីវាគ្មិនកិត្តិយស រួមមាន ឯកឧត្ដម កេង សុម៉ារិទ្ធ រដ្ឋលេខាធិការ និងជាប្រធានលេខាធិការដ្ឋាន នៃ គណៈបញ្ជាការដឹកនាំយុទ្ធនាការនៃក្រសួងយុត្តិធម៍ , លោក ជំទាវ សុន សុខាលីដា ប្រតិភូរារដ្ឋាភិបាល និងជាអគ្គនាយកកិច្ចការអយ្យការ និងព្រហ្មទណ្ឌ និងក្រុមការងារ ដើម្បីធ្វើបទបង្ហាញអំពី “ការគ្រប់គ្រងទិន្នន័យ និងស្ថិតិសំណុំរឿងរបស់សាលាជម្រះក្តី (ក្នុងក្របខណ្ឌយុទ្ធនាការរបស់ក្រសួងយុត្តិធម៍)” ។ ទន្ទឹមនេះ លោក ពៅ វិបុល ប្រធាននាយកដ្ឋានកិច្ចការបច្ចេកទេស និងទំនេីបកម្មរដ្ឋបាលតុលាការ នៃអគ្គនាយកដ្ឋានកិច្ចការរដ្ឋបាលតុលាការ បានដឹកនាំពិភាក្សាលេីបច្ចុប្បន្នភាពទម្រង់របាយការណ៍សកម្មភាពសាលាជម្រះក្តី និងការងាររដ្ឋបាលតុលាការផងដែរ។