金边多地因电缆被盗发生停电事故

ចោរគាស់កាត់ខ្សែភ្លើង បង្កដាច់ចរន្តអគ្គិសនីតំបន់មួយចំនួនក្នុងរាជធានីភ្នំពេញ ភ្នំពេញ៖ អគ្គិសនីកម្ពុជា បានឱ្យដឹងថា ករណីដាច់ចរន្តអគ្គិសនីពីអនុស្ថានីយទី៧០ (GS70-F7) បណ្តាលមកពីមានជនសង្ស័យធ្វើសកម្មភាពគាស់ និងកាត់ខ្សែបណ្តាញតង់ស្យុងមធ្យម (MV) នៅក្នុងបន្ទប់ភ្លើងលេខ៩២៤។ តាមផេក អគ្គីសនីកម្ពុជា បាននឲ្យដឹងនៅថ្ងៃទី២២ ខែមេសា ឆ្នាំ២០២៦ថា ហេតុការណ៍នេះ បានធ្វើឱ្យដាច់ចរន្តអគ្គិសនីនៅតំបន់មួយចំនួន រួមមាន សង្កាត់ទួលសង្កែ ខណ្ឌឫស្សីកែវ, សង្កាត់ភ្នំពេញថ្មី សង្កាត់ក្រាំងធ្នង់ និងសង្កាត់ឃ្មួញ ខណ្ឌសែនសុខ ព្រមទាំងសង្កាត់បឹងកក់ ខណ្ឌទួលគោក រាជធានីភ្នំពេញ។ ក្រោយកើតហេតុ ក្រុមការងារបច្ចេកទេសបានចុះពិនិត្យ និងភ្ជាប់ចរន្តអគ្គិសនីឡើងវិញជូនអតិថិជនបានប្រើប្រាស់ធម្មតាវិញ នៅវេលាម៉ោង ០៦:១៧នាទីព្រឹក ថ្ងៃទី២២ ខែមេសា ឆ្នាំ២០២៦។