洪玛奈推动五角战略转型 重点布局数字技术与人才培养

សម្តេច ហ៊ុន ម៉ាណែត បានថ្លែងថា ក្រោមម្លប់សុខសន្តិភាពជិត ២៨ ឆ្នាំ កម្ពុជាសម្រេចបានសមិទ្ធផលជាច្រើន និងកំពុងបន្តអភិវឌ្ឍខ្លួនឆ្លើយតបនឹងការប្រែប្រួលនៃសេដ្ឋកិច្ច បច្ចេកវិទ្យា និងពិភពលោក។ លោកលើកទឹកចិត្តដល់សាកលវិទ្យាល័យ បន្តលើកកម្ពស់គុណភាពអប់រំ ការស្រាវជ្រាវ និងនវានុវត្តន៍ ដើម្បីអភិវឌ្ឍមូលធនមនុស្សកម្ពុជា ប្រកបដោយចំណេះដឹង ជំនាញ សីលធម៌ វិន័យ និងមនសិការស្នេហាជាតិ។ «យុទ្ធសាស្ត្របញ្ចកោណ» បន្តដាក់ «មនុស្ស» ជាអាទិភាពទី១ និងបន្ថែម «បច្ចេកវិទ្យា» ដើម្បីបម្លែងសេដ្ឋកិច្ចកម្ពុជា ពីការពឹងផ្អែកលើកម្លាំងពលកម្ម ទៅជាសេដ្ឋកិច្ចផ្អែកលើជំនាញ បច្ចេកវិទ្យា និងនវានុវត្តន៍។ ជាមួយគ្នានេះ រាជរដ្ឋាភិបាលកំពុងលើកកម្ពស់គុណភាពអប់រំ បណ្តុះបណ្តាលវិជ្ជាជីវៈ អភិវឌ្ឍជំនាញឱ្យស្របតាមតម្រូវការទីផ្សារ និងបច្ចេកវិទ្យាឌីជីថល ព្រមទាំងកែលម្អលក្ខខណ្ឌការងារ និងអភិបាលកិច្ចនៅទាំងវិស័យសាធារណៈ និងឯកជន។ [**Join AMS One-minute**](https://t.me/ams1minute)