截至2026年上半年，柬埔寨公共债务总额超130亿美元，其中

បំណុលសាធារណៈរបស់កម្ពុជាបានកើនឡើងដល់ជាង១៣ពាន់លានដុល្លារអាម៉េរិកគិតត្រឹមឆមាសទី១ឆ្នាំ២០២៦ ដែលជាកម្រិតអាចគ្រប់គ្រងបាន ក្នុងនោះ៩៥%ជាបំណុលក្រៅប្រទេស។ យ៉ាងណាមិញ នៅក្នុងឆមាសទី១ឆ្នាំនេះ រាជរដ្ឋាភិបាលកម្ពុជាបានខ្ចីលុយពីដៃគូនានាក្នុងទំហំប្រមាណ ៤៦០លានដុល្លារ ឬស្មើនឹងប្រមាណ១៥% នៃពិតានដែលច្បាប់អនុញ្ញាត ដោយមានការកើនឡើងដល់ប្រមាណ១៣៤% បើធៀបនឹងរយៈពេលដូចគ្នាកាលពីឆ្នាំមុន ដើម្បីបំពេញតម្រូវការហិរញ្ញប្បទានក្នុងវិស័យអាទិភាពរបស់រាជរដ្ឋាភិបាល សំដៅរួមចំណែកទ្រទ្រង់ចីរភាព នៃកំណើនរយៈពេលវែង និងបង្កើនផលិតភាពសេដ្ឋកិច្ច ឬផលិតភាពផលិតកម្ម។ ដោយឡែកនៅក្នុងរយៈពេលដូចគ្នានេះ រាជរដ្ឋាភិបាល ក៏បានទូទាត់សងបំណុលបានជិត៣៩០លានដុល្លារអាម៉េរិកកើនឡើងប្រមាណ៣១%បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមព្រឹត្តិបត្រស្ថិតិបំណុលសាធារណៈកម្ពុជារបស់ក្រសួងសេដ្ឋកិច្ច និងហិរញ្ញវត្ថុ៕