干拉省塔克茂市车祸肇事者投案 造成1死4伤

**ម្ចាស់រថយន្តបង្កគ្រោះថ្នាក់ចរាចរណ៍នៅតាខ្មៅ បានចូលខ្លួនបំភ្លឺហើយ ខណៈសមត្ថកិច្ច កំពុងបន្តនីតិវិធី** **កណ្តាល៖** ម្ចាស់រថយន្តដែលជាប់ពាក់ព័ន្ធករណីគ្រោះថ្នាក់ចរាចរណ៍ដ៏រន្ធត់ បុកជាមួយម៉ូតូសណ្ដោងរឺម៉ក បណ្តាលឱ្យស្ត្រីម្នាក់ស្លាប់ និងមនុស្ស៤នាក់ផ្សេងទៀតរងរបួសស្រាល បានចូលខ្លួនមកបំភ្លឺជាមួយសមត្ថកិច្ចហើយ។ ហេតុការណ៍ដ៏សោកសៅនេះ បានកើតឡើងនៅវេលាម៉ោង ២៣៖២០នាទី ថ្ងៃទី២ ខែសីហា ឆ្នាំ២០២៦ នៅខាងមុខហាង 168 លើផ្លូវជាតិលេខ២១ ស្ថិតក្នុងភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល។ នៅរសៀលថ្ងៃទី៤ ខែសីហា ឆ្នាំ២០២៦ ម្ចាស់រថយន្តបង្កបានចូលខ្លួនមកអធិការដ្ឋាននគរបាលក្រុងតាខ្មៅ ហើយត្រូវបានបញ្ជូនបន្តទៅការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តកណ្តាល ដើម្បីចាត់ការតាមនីតិវិធី។ បច្ចុប្បន្ន សមត្ថកិច្ចជំនាញកំពុងស្រាវជ្រាវ និងបន្តនីតិវិធីពាក់ព័ន្ធករណីនេះ។