柬埔寨海军与数字技术学院合作 开展海军数字化培训

កងទ័ពជើងទឹកពិភាក្សាសហការបណ្តុះបណ្តាលបច្ចេកវិទ្យាឌីជីថល ដើម្បីពង្រឹងសមត្ថភាពយោធិន ថ្ងៃទី២៥ ខែឧសភា ឆ្នាំ២០២៦ ឧត្តមនាវីត្រី ផន ឫទ្ធីសក្តិ នាយសេនាធិការង បញ្ជាការដ្ឋានកងទ័ពជើងទឹក បានដឹកនាំក្រុមការងារហ្វឹកហ្វឺន ចូលជួបពិភាក្សាការងារ ជាមួយ លោកស្រី ងួន សុម៉ាលី ប្រធានវិទ្យាស្ថានអភិបាលកិច្ចឌីជីថល នៃបណ្ឌិត្យសភាបច្ចេកវិទ្យាឌីជីថលកម្ពុជា។ កិច្ចពិភាក្សានេះ ផ្តោតសំខាន់លើការសហការបណ្តុះបណ្តាលបច្ចេកវិទ្យាឌីជីថល ដើម្បីគាំទ្រការកសាង និងអភិវឌ្ឍន៍ធនធានយោធិន ចំណុះកងទ័ពជើងទឹក ឱ្យមានសមត្ថភាពឆ្លើយតបទៅនឹងការផ្លាស់ប្តូរបច្ចេកវិទ្យាសម័យថ្មី តាមរយៈការសិក្សានៅវិទ្យាស្ថានបច្ចេកទេសកម្ពុជា។