柬埔寨反假货委员会多省突击检查食品安全 重点抽检果蔬

មន្ត្រីសាខា ក.ប.ប. នៅខេត្តចំនួន៧ បន្តចុះត្រួតពិនិត្យគុណភាព និងសុវត្ថិភាពម្ហូបអាហារ នៅតាមទីផ្សារ និងតូបលក់ទំនិញសំខាន់ៗ ដើម្បីការពារសុខុមាលភាពអ្នកប្រើប្រាស់ និងទប់ស្កាត់ផលិតផលមិនសមស្របដែលអាចប៉ះពាល់ដល់សុខភាពប្រជាពលរដ្ឋ។ ប្រតិបត្តិការនេះធ្វើឡើងនៅថ្ងៃទី១១ ខែឧសភា ឆ្នាំ២០២៦ ដោយមន្ត្រីសាខា ក.ប.ប. ខេត្តកែប កំពង់ស្ពឺ ពោធិ៍សាត់ ស្ទឹងត្រែង ព្រៃវែង ប៉ៃលិន និងព្រះវិហារ សហការជាមួយមន្ទីរពាណិជ្ជកម្ម ចុះត្រួតពិនិត្យនៅផ្សារចំនួន៧ និងតូបលក់ទំនិញចំនួន៦៥ទីតាំង។ មន្ត្រីជំនាញ បានយកសំណាកបន្លែ ផ្លែឈើ និងផ្លែធុរេន មួយចំនួនទៅធ្វើពិសោធន៍ ដើម្បីពិនិត្យគុណភាព និងសុវត្ថិភាពផងដែរ។ មន្ត្រី ក.ប.ប. ក៏បានអំពាវនាវដល់អាជីវករ និងអ្នកលក់ដូរ ឱ្យបង្កើនការប្រុងប្រយ័ត្ន ត្រួតពិនិត្យទំនិញមុនដាក់លក់ ដើម្បីចៀសវាងហានិភ័យប៉ះពាល់ដល់សុខភាពអ្នកប្រើប្រាស់ និងបានជំរុញឱ្យប្រជាពលរដ្ឋ រាយការណ៍ភ្លាមៗទៅមន្ត្រី ក.ប.ប. ឬតាមទូរស័ព្ទលេខ ១២៦៦ ក្នុងករណីសង្ស័យពីទំនិញ ឬសេវាដែលមិនប្រក្រតី។