贡布省警方介入摩托车撞车案 严查篡改记录行为

ស្នងការខេត្តកំពត បញ្ជាឲ្យស្រាវជ្រាវបន្ថែម ករណីម៉ូតូបុករថយន្តព្រូសនៅស្រុកឈូក **កំពត៖** ក្រោយមានការចាប់អារម្មណ៍លើករណីគ្រោះថ្នាក់ចរាចរណ៍រវាងម៉ូតូ និងរថយន្តព្រូសនៅស្រុកឈូក ស្នងការនគរបាលខេត្តកំពត បានបញ្ជាឲ្យស្នងការរងទទួលការងារចរាចរណ៍ ស្រាវជ្រាវបន្ថែម ដើម្បីធានាភាពច្បាស់លាស់ និងយុត្តិធម៌ចំពោះភាគីទាំងពីរ។ តាមសេចក្តីបំភ្លឺជំហានដំបូង សមត្ថកិច្ចជំនាញអះអាងថា អ្នកបើកម៉ូតូមានពិសាគ្រឿងស្រវឹង និងបានបើកចូលចំណែកផ្លូវរថយន្ត។ អ្នកបើករថយន្តត្រូវបានអនុញ្ញាតឲ្យត្រឡប់ទៅផ្ទះសិន តាមការអនុញ្ញាតរបស់ព្រះរាជអាជ្ញា។ លោកស្នងការបញ្ជាក់ថា **បើរកឃើញមន្ត្រីណាកែប្រែកំណត់ហេតុពីការពិត នឹងអនុវត្តវិន័យដោយគ្មានការលើកលែង។**