蒙多基里省副省长正式履新 强调加强自然资源保护

[来源: 柬埔寨国家电视台] [分类提示: NEWS] 标题: ឯកឧត្តម អ៊ុត សំអន អញ្ជើញជាអធិបតីក្នុងពិធីប្រកាសចូលកាន់មុខតំណែងអភិបាលរងខេត្តមណ្ឌលគិរី មណ្ឌលគិរី៖ នាព្រឹកថ្ងៃទី២២ ខែមិថុនា ឆ្នាំ២០២៦ នេះ រដ្ឋបាលខេត្តមណ្ឌលគិរី បានរៀបចំពិធីប្រកាសចូលកាន់មុខតំណែងអភិបាលរង នៃគណៈអភិបាលខេត្តមណ្ឌលគិរី ក្រោមអធិបតីភាព ឯកឧត្តម អ៊ុត សំអន រដ្ឋលេខាធិការក្រសួងមហាផ្ទៃ ដោយមានការអញ្ជើញចូលរួមពី ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត និងឯកឧត្តម គង់ គឹមនី អភិបាល នៃគណៈអភិបាលខេត្តមណ្ឌលគិរី រួមទាំងមន្ត្រីរាជការជាច្រើនរូប ដែលប្រព្រឹត្តទៅ នៅសាលប្រជុំសាលាខេត្តមណ្ឌលគិរី។ យោងតាមព្រះរាជក្រឹត្យ និងអនុក្រឹត្យរបស់រាជរដ្ឋាភិបាល លោក មួង ប៉ាង អតីតអភិបាលរងខេត្តរតនគិរី ត្រូវបានតែងតាំង និងផ្ទេរភារកិច្ចជាអភិបាលរងខេត្តមណ្ឌលគិរី ជំនួសលោក នួន សារ៉ន អភិបាលរងខេត្តមណ្ឌលគិរី ដែលត្រូវបានដាក់ឱ្យចូលនិវត្តន៍។ ឯកឧត្តម អ៊ុត សំអន រដ្ឋលេខាធិការក្រសួងមហាផ្ទៃ បានសម្តែងនូវការអបអរសាទរយ៉ាងកក់ក្តៅចំពោះ លោកអភិបាលរងខេត្តថ្មី ដែលទទួលបានការទុកចិត្តពីរាជរដ្ឋាភិបាល និងក្រសួងមហាផ្ទៃ ព្រមទាំងបានសង្កត់ធ្ងន់ និងផ្តាំផ្ញើដល់លោកអភិបាលរងខេត្តដែលទើបតែងតាំងថ្មី ត្រូវបន្តពង្រឹងសាមគ្គីភាពផ្ទៃក្នុងឱ្យបានល្អ ពង្រឹងរបៀបរបបធ្វើការងារ គោរពច្បាប់ និងលិខិតបទដ្ឋានគតិយុត្តនានា និងត្រូវខិតខំចុះមូលដ្ឋានដើម្បីស្វែងយល់ពីសុខទុក្ខ ព្រមទាំងដោះស្រាយបញ្ហាប្រឈមនានារបស់ប្រជាពលរដ្ឋឱ្យបានទាន់ពេលវេលា។ ទន្ទឹមនឹងនោះ ឯកឧត្តម ក៏បានរំលឹកដល់គណៈអភិបាលខេត្ត មន្ទីរជំនាញ និងកងកម្លាំងប្រដាប់អាវុធទាំងអស់ ត្រូវបន្តរួមគ្នារក្សាសន្តិសុខសណ្តាប់ធ្នាប់សាធារណៈ បង្កើនការបង្ក្រាបបទល្មើសផ្សេងៗ ជាពិសេសបទល្មើសធនធានធម្មជាតិ និងគ្រឿងញៀន ព្រមទាំងជម្រុញការផ្តល់សេវាសាធារណៈជូនប្រជាពលរដ្ឋឱ្យកាន់តែមានប្រសិទ្ធភាព តម្លាភាព និងគណនេយ្យភាពខ្ពស់។ ឯកឧត្តម គង់ គឹមនី អភិបាល