东盟卫生部长会议召开 聚焦区域卫生系统互联互通

[来源: 柬埔寨国家电视台] [分类提示: NEWS] 标题: កិច្ចប្រជុំក្រៅផ្លូវការរវាងរដ្ឋមន្ត្រីសុខាភិបាលអាស៊ាន និងតំណាង អង្គការសុខភាពពិភពលោកប្រចាំតំបន់អាស៊ីអាគ្នេយ៍ (SEARO) និងតំបន់ប៉ាស៊ីហ្វិកខាងលិច (WPRO)៖ «គោលដៅរបស់យើងមិនមែនជាការបង្កើតរចនាសម្ព័ន្ធបន្ថែមទេ ប៉ុន្តែជាការបង្កើតការតភ្ជាប់ឱ្យកាន់តែជិតស្និទ្ធ ដោយលើសពីការបង្កើតគំនិតផ្តួចផ្តើម គឺដើម្បីបង្កើតឱ្យមានផលទទួលបានជាវិជ្ជមានកាន់តែធំធេង, ប្រសាសន៍អន្តរាគមន៍រដ្ឋមន្ត្រីសុខាភិបាលកម្ពុជា។» ទីក្រុងគូឡាឡាំពួ៖ នារសៀលថ្ងៃទី១០ ខែកញ្ញា ឆ្នាំ២០២៦ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានអញ្ជើញចូលរួមកិច្ចប្រជុំក្រៅផ្លូវការរវាងរដ្ឋមន្ត្រីសុខាភិបាលអាស៊ាន និងតំណាង អង្គការសុខភាពពិភពលោកប្រចាំតំបន់អាស៊ីអាគ្នេយ៍ (SEARO) និងតំបន់ប៉ាស៊ីហ្វិកខាងលិច (WPRO) ក្រោមប្រធានបទ «អាស៊ានមានសុខភាពល្អ៖ រួមគ្នាឆ្ពោះទៅរកប្រព័ន្ធសុខាភិបាលប្រកបដោយសមធម៌ និងត្រៀមខ្លួនជាស្រេចសម្រាប់អនាគត» (Healthy ASEAN: Together Towards Equitable, Future-Ready Health Systems) នៅទីក្រុងគូឡាឡាំពួ ប្រទេសម៉ាឡេស៊ី។ កិច្ចប្រជុំនេះត្រូវបានសម្របសម្រួលដឹកនាំដោយរដ្ឋមន្ត្រីក្រសួងសុខាភិបាលម៉ាឡេស៊ី ប្រធានកិច្ចប្រជុំរដ្ឋមន្ត្រីសុខាភិបាលអាស៊ានលើកទី១៧ ដោយមានការចូលរួមពីរដ្ឋមន្ត្រីសុខាភិបាលនៃប្រទេសសមាជិកអាស៊ាន និងតំណាងនាយកតំបន់ WHO SEARO និង WPRO។ ឯកឧត្តមសាស្ត្រាចារ្យរដ្ឋមន្ត្រី បានថ្លែងបទអន្តរាគមន៍លើប្រធានបទ «ការបង្កើតកម្លាំងសរុប៖ ការកំណត់អាទិភាពរួមប្រចាំតំបន់ ដើម្បីលើកកម្ពស់ប្រព័ន្ធសុខាភិបាល » (Creating Synergies: Setting shared regional priorities to further enhance health systems) ដោយបានទាញការយកចិត្តទុកដាក់លើអាទិភាពគន្លឹះចំនួន ៣ ដើម្បីពង្រឹងកិច្ចសហប្រតិបត្តិការរវាងអាស៊ាន និងអង្គការសុខភាពពិភពលោក (WHO)៖ •១. ចំពោះជំងឺមិនឆ្លង: បន្តព