新闻部部长涅帕达强调知识传承 推动机构可持续发展

[来源: 柬埔寨国家电视台] [分类提示: NEWS] 标题: ឯកឧត្តមរដ្ឋមន្ត្រី នេត្រ ភក្ត្រា៖ ការផ្ទេរចំណេះដឹង និងជំនាញ ជាការបន្តវេនពីមួយជំនាន់ទៅមួយជំនាន់ ដើម្បីធានានិរន្តរភាពស្ថាប័ន ភ្នំពេញ៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានគូសបញ្ជាក់ថា ការផ្ទេរចំណេះដឹង ជំនាញ និងបទពិសោធន៍ការងារ គឺជាការបន្តវេនដ៏សំខាន់ពីមួយជំនាន់ទៅមួយជំនាន់ ដើម្បីធានាថាអ្នកបន្តវេនអាចរៀនសូត្រ និងសាងបន្ថែមលើសមិទ្ធផលដែលមានស្រាប់ ដោយមិនចាំបាច់ចាប់ផ្តើមពី «ចំណុចសូន្យ» ឡើងវិញនោះទេ។ ការថ្លែងនេះត្រូវបានធ្វើឡើងនៅក្នុងកិច្ចប្រជុំវាយតម្លៃលទ្ធ ផលពាក់កណ្តាលអាណត្តិ និងកំណត់ផែនការឆ្ពោះទៅឆ្នាំ ២០២៨ របស់ក្រសួងព័ត៌មាន នៅព្រឹកថ្ងៃទី១៨ ខែសីហា ឆ្នាំ២០២៦ នាទីស្តីការក្រសួង។ ឯកឧត្តមរដ្ឋមន្ត្រីបានគូសបញ្ជាក់ថា អ្វីដែលត្រូវយកចិត្តទុកដាក់ គឺការអនុវត្តការងារគ្រប់ផ្នែកត្រូវមានរបាយការណ៍ ឯកសារ ផែនការ យុទ្ធសាស្ត្រ និងគោលនយោបាយច្បាស់ លាស់ ដើម្បីបង្កើតជាមូលដ្ឋានឯកសារសម្រាប់អ្នកជំនាន់ក្រោយយកទៅអនុវត្ត និងបន្តការងារពីអ្នកជំនាន់មុន ដោយមិនចាំបាច់ចាប់ផ្តើមពីចំណុចសូន្យឡើងវិញ។ ឯកឧត្តមថាការរៀបចំ និងរក្សាទុកឯកសារឱ្យបានត្រឹមត្រូវ គឺមានសារៈសំខាន់ណាស់សម្រាប់ការធានានិរន្តរភាពការងាររបស់ស្ថាប័ន។ ក្នុងន័យនេះ ការដាក់ចេញផែនការបដិវត្តកម្មឌីជីថលរបស់ក្រសួងប្រៃសណីយ៍ និងទូរគមនាគមន៍ ព្រម ទាំងការផ្តល់កុំព្យូទ័រដល់ក្រសួង និងស្ថាប័ននានា មានគោល ដៅសំខាន់មួយ គឺការរក្សាទុក និងគ្រប់គ្រងឯកសារផ្លូវការឱ្យមានប្រសិទ្ធភាព និងសុវត្ថិភាព។ ឯកឧត្តមរដ្ឋមន្ត្រីបានលើកឡើងថា កន្លងមក នៅពេលមាន ការផ្លាស់ប្តូរប្រធានស្ថាប័ន ឬប្រធានអង្គភាព មិនសូវមានឯកសារដែលបន្សល់ទុកជាប្រព័ន្ធសម្រាប់អ្នកមកបន្តការងារនោះទេ។ ក្នុងករណីប្រធាននាយកដ្ឋាន ប្រធានការិយាល័យ ឬអគ្គនាយកផ្លាស់ប្តូរមុខតំណែង ឯកសារការងារមួយចំនួនអាចត្រូវបានរក្សាទុកនៅក្នុងកុំព្យូទ័រផ្ទា