波贝洪水渐退 诗梳风与蒙哥波雷区受灾严重

ទឹកជំនន់នៅក្រុងប៉ោយប៉ែតស្រកចុះបណ្តើរៗតែក្រុងស្រុកពីរទៀតកំពុងរងផលប៉ះពាល់លិចផ្ទះនិងផលដំណាំ! ============  ថ្វីត្បិតទឹកជំនន់ក្នុងភូមិសាស្ត្រក្រុងប៉ោយប៉ែតបានស្រកចុះជាបណ្តើរៗក៏ដោយ ប៉ុន្តែក្រុង-ស្រុកចំនួនពីរទៀត រួមមានក្រុងសិរីសោភ័ណ និងស្រុកមង្គលបូរីកំពុងទទួលរងនូវទឹកជំនន់ពីផ្នែកខាងលើដែលបណ្ដាលឱ្យជន់លិចផ្ទះសម្បែង ផលដំណាំ រួមនឹងហេដ្ឋារចនាសម្ព័ន្ធមួយចំនួន ពិសេសផ្លូវជាតិលេខ៥ ត្រូវបានទឹកជំនន់ហូរកាត់លើដងផ្លូវបង្កផលពិបាកដល់ការធ្វើដំណើររបស់ប្រជាពលរដ្ឋ។ នេះបើតាមការឱ្យដឹងពីរដ្ឋបាលខេត្តបន្ទាយមានជ័យ។ ជុំវិញករណីនេះ លោក អ៊ុ រាត្រី អភិបាលខេត្តបន្ទាយមានជ័យ បានដឹកនាំកងកម្លាំងចម្រុះដើម្បីជម្លៀសប្រជាពលរដ្ឋចេញពីតំបន់ដែលប្រឈមនៃការជន់លិចក្នុងភូមិសាស្ត្រក្រុងសិរីសោភ័ណ-ស្រុកមង្គលបូរី។ ទឹកជំនន់នេះ មិនមែនវាយប្រហារតែនៅក្នុងក្រុង-ស្រុកទាំង២នោះទេ ខណៈបណ្តាស្រុកមួយចំនួនទៀតក៏កំពុងទទួលរងការវាយប្រហារដែរ។ ============ [🌐](https://vayofm.com/news/detail/145600-837.html)[អានព័ត៌មាន](https://vayofm.com/news/detail/145661-119.html) [**👉Facebook**](https://www.facebook.com/vayofm) [**👉Telegram**](https://t.me/vayofm)** ** [**👉TikTok**](https://www.tiktok.com/@vayofmradio?_t=8qP0w6MsZfe&_r=1) [**👉**](https://www.tiktok.com/@vayofmradio?_t=8qP0w6MsZfe&_r=1)[**YouTube**](https://www.youtube.com/@vayofm105) **👉**[**IOS**](https://apps.apple.com/us/app/vayo-fm-radio/id993070474) [**👉**](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)