柴桢省启动结核病筛查研究 澳方大使到场

ពិធីប្រកាសដាក់ឱ្យដំណើរការជាផ្លូវការគម្រោងស្រាវជ្រាវរកជំងឺរបេង ក្នុងខេត្តស្វាយរៀង។ —— ខេត្តស្វាយរៀង៖ ព្រឹកថ្ងៃទី៣០ ខែតុលា ឆ្នាំ២០២៦ ស្តិតក្នុងបរិវេណ នៃវត្តព្រៃគគីរ ភូមិព្រៃគគីរ ឃុំគគីរ ស្រុកចន្ទ្រា ខេត្តស្វាយរៀង​ ឯកឧត្តមវេជ្ជបណ្ឌិត ម៉ៅ តាន់អ៊ាង អនុរដ្ឋលេខាធិការក្រសួងសុខាភិបាល បានអញ្ជើញជាអធិបតី ក្នុងពិធីប្រកាស ដាក់ឱ្យដំណើរការជាផ្លូវការ គម្រោងស្រាវជ្រាវរកជំងឺរបេង: ត្បូងខ្មែរ  ( SAPPHIRE 2.0 ) ដែលរៀបចំដោយមជ្ឈមណ្ឌលជាតិកំចាត់រោគរបេង និងហង់សិន សហការជាមួយអង្គការ KHANA រួមជាមួយមន្ទីរសុខាភិបាល នៃរដ្ឋបាលខេត្តស្វាយរៀង។ ពិធីនេះក៏មានការអញ្ជើញចូលរួមជាអធិបតីពី ឯកឧត្តម Derek Yip ឯកអគ្គរដ្ឋទូតប្រទេសអូស្ត្រាលី ប្រចាំព្រះរាជាណាចក្រកម្ពុជា និងឯកឧត្តម សុខា រ៉ាម អភិបាលរង នៃគណអភិបាលខេត្តស្វាយរៀង ។ គម្រោងនេះ ជាគម្រោងសិក្សាស្រាវជ្រាវរកជំងឺរបេងក្នុងរយ:ពេលពីរឆ្នាំ តាមរយៈអង្គការខាណាដែលបានទទួលជំនួយហិរញ្ញវត្ថុ ពីសាកលវិទ្យាល័យស៊ីដនី និងសហការជាមួយមជ្ឈមណ្ឌលជាតិកំចាត់រោគរបេង និងហង់សិន ដែលផ្តោតសំខាន់ លើសកម្មភាពស្រាវជ្រាវរកករណីជំងឺរបេង តាមបែបសកម្មតាមសហគមន៍ ពិសេសការជម្រុញឱ្យអ្នកដែលរស់នៅជាមួយអ្នកជំងឺរបេង គ្រប់វ័យ ដែលមិនទាន់កើតជំងឺទទួលការធ្វើរោគវិនិច្ឆ័យ និងព្យាបាលជំងឺរបេង នៅថ្នាក់សហគមន៍ រាប់ទាំងការព្យាបាលបង្ការ ឲ្យបានទាន់ពេលវេលា។ លើសនេះថែមទៀត គម្រោងក៏មានបញ្ចូលបន្ថែមនូវការអប់រំសុខភាព និងស្រាវជ្រាវរកជំងឺមិនឆ្លងផងដែរ ជាពិសេស ជំងឺលើសសម្ពាធឈាម និងទឹកនោមផ្អែម។ សូមបញ្ជាក់ថា ពិធីនេះ មានការចូលរួមពីលោកប្រធាន និងមន្ត្រី នៃមជ្ឈមណ្ឌលជាតិកំចាត់រោគរបេង និងហង់សិន លោកប្រធានគម្រោងត្បូងខ្មែរ  លោកអនុប្រធាន និងមន្រ្តីរបស់មន្ទីរសុខាភិបាល នៃរដ្ឋបាលខេត្តស្វាយរៀង លោកអភិបាលស្រុកចន្ទ្រា  មន្ត្រីនៃស្ថានទូតអូស្ត្រាលី តំណាងអង្គការខាណា តំណាងសកលវិទ្យាល័យស៊ីដនី ដៃគូអភិវឌ្ឍន៍ពាក់ព័ន្ធ តំណាងអាជ្ញាធរមូលដ្ឋាន និងប្រជាពលរដ្ឋយ៉ាងច្រើនកុះករ។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)